سلامي على اهل الحله اليلها شانٍ(ن)رفيـع=وحنا نجيهـا فـي ليـال الفـرح ونرودهـا
لياجيت في سوق التجاره لابد اشرى وبيـع=ولا اكفاء حياض العد من يو شفت اورودها
هلا مرحبا ترحيب يضفي على روس الجميع=سوات الدوى لا قلوب بعض العرب وكبودها
كبار السوالف وايقت كل ضلع وكـل ريـع=وعيال الحلال اليا محـل الحيـاه اتقودهـا
بغيتك تسافـر يـم لنـدن شتـا ولا ربيـع=وشوفك ما تسلى من جبال(ن)تصيح اقرودها
ترا للي سواتك يطعـم العلـم لابـده يطيـع=ليا جات درجتها تسـاوت علـى عبرودهـا
له ايام والكبسول تقرع علـى جنبـه قريـع=يبا يستحـل ابـلاد صنعـا بكثـر ازيودهـا
انا عارف(ن) السمن طيب ولا كنـه يميـع=يدين تغمـس فيـه بيسـل فـوق ازنودهـا
يضيع العماء والي عيونه سليمه مـا يضيـع=ولا ينقل الي في نحرهـا نشـب عبرودهـا
ونا ما جبرت الي تدرق ورا سـد الوشيـع=الف الجنـازه فـي كفنهـا وارز الحودهـا
من الي يدور للبن بعد شهر مـن الضريـع=وش الي يصيده بعد يـوزي فمـه بديودهـا
ترا المقبره حمرا وغبرا وحلـم الله وسيـع=عسى تشرب الشجره وتحيا ويخضر عودها
لوانك تغمض نص ساعـه يسبعـك السبيـع=وتخدمك ظبـاط السريـه وكـل اجنودهـا
لكنـك تعلمـت الكاعـه وسمـوك الكـيـع=تبا الشيخ يقبل دعوت(ن) مالقيت اشهودهـا
بعض قوم لا تصنع ولا تعترف بمر الصنيع=عرب غافله تقرع على القافله بـا شنودهـا
ولا يا معلـم خيرمانتـه متيـن ولا رفيـع=تبا تبلـغ الخنقـه وتوبـه معـاد اتعـودهـا