دوم الزمن لاتامنه مثل مادار = تلقى لدوراته بدربك مواري
حبيت اوضحلك على حسب ماصار = لو كنت كاتب في زمانك وقاري
شفتك غريب الدار ياساكن الدار = اللي منول كان جنبي وجاري
ليتك تمره يوم مع طول الاسفار = ابطيت ماكنك به اليوم داري
ماتتضح فسنيننا طول الاعمار = حتى ليا شفنا جفاها نداري
وآجالها ماتنسبق يوم بشعار = ونسبق لها قدام رد العواري
دام الصفا والود ماضين الاقرار = جسم الوفا لاينترك يوم عاري
إكسه بطيب الوصل عن ثوب الاعذار= لابد من ليلٍ بساريه ساري
وانا على ماشوف فالوقت صبار = عقلي مقديني بحاضر وضاري
في ذمتي للطيب ماهاب الاخطار = امشي ولو ادري بها في انتظاري

صح لسانك

ابدعت يالشاعر مشاء الله عليك