بدع الشّاعر/ سعيد بن مشحن البلوي=
قولـوا لخالـد بـن عبيـد الاحمـدي=الشّاعر المعروف مـن روس الحـروب
يومين مـن همـّي محـارب مرقـدي=لومي على الطّيب وغيـره للذّهوب
الاجـودي لاخطـا عليـه الاجـودي=يصبر الى ما يبين لـه غيـب القلـو ب
وان كان جا منه الخطى يعـدي عـدي=نوب الخطا ياتي خطا ماهو امحسوب
والا انت عالـي فـوق دايـم يابعـدي=مثل الجبل راسـي ماتنفّظه الهبـوب
والقلطه انـت اللـي ياخالـد مبتـدي=واعرض معانيها علـى كـل الشعـوب
وشعّارها فـوق الثريـا والـجـدي=مافادهـم صـادق ولااغواهـم كـذوب
وان صـار معناهـا قــوي والاردي=انهايته ملح ٍ لاجـاه المـا يـذوب
قدمت لـك عـذري تسامـح مقصـدي=والا الذّنوب الله كفيـل ٍ بالـذّنوب
يـارب عفـوك قبـل يـوم المشهـدي=تغفـر خطايانـا وتجعلـنـا نـتـوب
ردّ الشّاعر / خالد بن عبيد الاحمدي=
يسمعك خالد في لحونك تنشدي=ياشاعر ٍ من قوم ماتهاب الكروب
مكفيك همّك نام في جو ٍ هدي=ماصار منهي دون غالب وامغلوب
بعد العذر يانار طفّي وارمدي=العذر يقبل عند خالين العيوب
وانا ورثت الطّيب ساعة مولدي=ماغيره النوماس لي نهج ودروب
اعفي عن المخطين وتصافح يدي=من قدّم المعذار وابليس امهزوب
واحنا فخير الخلق لازم نقتدي=اللي عفا عن كعب ماهو بمغصوب
وياسعيد هلّ الغيث والجوّ النّدي=حلاّ نسيم الصّبح والمشرب عذوب
وانا حضرت اللقلطه ابما يسعدي=واثريت ساحتها وانا رجل امحبوب
وانا اعرفك فيها مواضب يجهدي=راجعت فدروسك ولا حولك رسوب
ياربّ ياللي فارض ٍ حجّ وفدي=رحمتك تجعلنّي عن النّار امحجوب