ألا قال الذي غنى سلام=عدد ما بعت فالسوق وشريت
وعدد مارحت شرق ورحت شام=أدور لي حمامة مالقيت
حمامة مثلها بين الحمام=ولا بقيت بالأوطان بيت
وسرت اعيش تحت امر الغرام=يذكرني هواها لانسيت
أبات الليل عيني ما تنام=ولاقلبي تذكرها بكيت
نحل جسمي بقي غير العظام=هواها أللي سواني واستويت
وهذا ماجرالي والختام=ألا يامن لهم سمعة وصيت
معي صلو على سيد الأنام=عدد ما شفت حرف وماقريت
وانا لولا الحيا واخشى الملام =مااترك في هوايه ماحييت