عنا لشمر الطنايا براضيه=بدْ وعزيز إصغارهم ولكباره
أَرحَب هلا سهل الرحب يامحاكيه=الأمر أمره بقوته وإقتداره
الشمري لومالزمن قال عاصيه=قَطَّع رقاب الناس بالاستعارة
والبحر بحره والشواطيء شواطيه=ما عنبرٍ فالحوت ما فالمحاره
والحفر حفرُه والمباني مبانيه=والساس ساسه والجداره جداره
والفأر فاره والحفر في اراضيه=عزاه يامن طاح جدره بفاره
والعبد عبده والعذارى عذاريه=والحرث حرثه والمحاريث ثاره
والثار ثاره والمثارى مثاريه=تارك زهوم الزاد باغي الكراره
والقدر قدره والحطب من شجاريه=لا عِزته لا حمايته لا إنتصاره
ومن بعد ياسود الليالي أطعتيه=فكُيه من نور الصباح ونهاره
شلتيه ياسود الليالي وحطيه=بين الحروف وقافيته السواره
عِنتِيه ياسود الليالي وهنتيه=على مهونة ربعه ذل وحقاره
رِمتيه ياسود الليالي وعفتِيه=وعاداتك الحقران بعد البُواره
ويالشمري لو عقلك الله مسقيه=سود الليالي ما تزيدك بطاره
اما المشاره بشر الله مبديه=بامرٍ يسر ويطفي الله شراره :
الشرهه لآ يُعرف لها حق وأعطيه=ولآ سالمٍ من نقها بالمشاره
ولآ انت لا طالب ولآ انتا مداعيه=كنك كسير الله حرمك الجبارة
لكن وزعة عاني يبشر ونشفيه=وجوب عنوة لامكاسب خسارة.
وعبد الله شاهر قوله والكل موحيه=ولا هو بفاقة سالفة وانهذاره
فلا تشعم بنارك لحربي تناديه=ولا تِرهِم الاقوال يابو هراره
شخفي ونارك لو يجي حربي شخفيه=ولا على نارك حطيط الخفاره
ولا تطلب الله في نهاراً توريه=باسك وخيلك والرمك والإغاره
مصبِح مثل من كان ربك معافيه=وممسي مثل من هو زبين العذارا
رجل الخيارة يا مناور تذريه=أخير له مما تذرى إنتحارة
شاوش تناوش كل حربي بطاريه=بعد زبنت فعاليات الزباره
الرجل ما سلم الثلوم أرجه وخَطْيِه=ستر العذارا لازبين العوارا
تكتب كتاب وعند ربك تلاقيه=محصي عليك اعلانها والسراره
آكل بيمنا غيره ماالله بمغنيه=بيت الغنى يِخْجِله بيت الفقاره
دونك منعنا كل مجنون بيديه=تِكِسَر عليك اقلام وتِشّطب عبارة
والحربي تدري شوره راسه وواليه=لاا رحت راس حمار عند الجعارة
لا حافك الحايف تخيبل مماشيه=ولاا رحت كالروْدس بعين الحمارة
جبت الخطيه لكل حربي ورافيه=فعل استحقيته حمتك الوفاره
لو حال دونك كل حائل ؛ حواريه=عافَتك فيها بكل حيٍ وحاره
الطاغي الله يفخته وانت تطغيه=مرقوب لا ترقد بريع السباره
الصمت يكسي صاحبه مايعريه=واليا شلحت الصوت فِرمي زراره
وما أقول في ربعك وحيٍ حواليه=مقيم ولا قاصدينه زيارة
السبعه الانعام والله محييه=وجه الشمال وهيبته هم وقاره
المدح يزهاهم قديمه وتاليه=المدح يزهاهم ولابك قصاره
شمر لهم صيت إمتَوَارث تغنيه=وأصبح لهم موروث صعب إندثاره
شمر فَنَار العز والعز كاسيه=الشمري وان طال عمره عماره
لا خاب طلابه ولا طاب طانيه=نور الشمال وقبلته ومزاره
وتاجه ولؤلؤته بل أنصع لأليه=ٍشمر لها أغلى دانةٍ من بِحَارُه
الهامه الشماء وأعالى أعاليه=ولَمّته وأنصع جباهه إنارة
وعيونه ولسانه الافصح وأشافيه=وجهٍ يزيد القابلية نظَاره
وإرقبته الطولا وِنّحَرُه وتراقيه=المَنّع منعه والإيجاره إيجاره
إليا خَطَيّتْ الطيب شمر مرابيه=أهل الكرم من طالهم فشتهاره!?
الإسم الأشهر للشمال ومجاريه=حسّادهم معروف قوم الطرارة
حيٍ إذا جاد الزمان إبترديه=زبن الدخيل العُرب ولا النصاره
ملوْ صَفَحَات العرب من طؤاريه=تاريخ ما ينفض عليهم غباره
مَرّكَز ومَعنَّز راس حايل ورجليه=وحلمه وعلمه وحنكته وإفتكاره
شمر سناعيس العرب وزكرتيه=العِرق ناقي والطبايع سراره
المجد لو صُفَّيِ فشمر مصافيه=نجم وتعلى ما خرج عن مساره
شمر فطيمة صيت رِضعت فثدييه=من يوم كانت لين يوم النشاره
كم من قبيلة ناصبتها العدا تيه=والمجد لأهل المجد والكار كاره
علمٍ كتبته ياعيونه قريته=شهادتي في حق وعندك شعاره
الحق أقوله ماني جاحد وكانيه=ما ضار من يمدح خصيمه افتخاره
من يصنع المعروف يجني ثماريه=ما قالوا معرفة الرجال التجارة
أقول وانا قولي قلته وحاميه=ماني بمن خالط بياض سماره
من لا إقتنع يِقبِل وأمده وأماشيه=لإبن وكيّل منقع العرف شارة
وابن معلث للقضاء بيت منشيه=من ساس عرف ومُنتهى فالصدارة
العِلم ماينقل على غير قاريه=وعلمٍ بدون عظام مثل النجارة
لآ زلها المنشار ماأثرت فيه=وان هامها المنشار راحت طِيَاره