وفواز السنيني=
سلامي ردية يامن يقـرا الخبـر = صرف الذهب عند العرب ونعومها
ياللي تبيع من الذهب هات الذهب = واللي عقد روس الحبال يحلهـا
وجّهتها تحت السما فـوق القمـر = وكل الطيور الطايـرة وش حومهـا
بعض البشر تشره على بعض العرب = واللي عقـد روس الحبـال يحلهـا
ابن خيرالله الردادي=
ياللي سلامك عم ماهو مختصر = ودك تعرف الناس هات علومها
مايمدح الاسواق الا من كسـب = واللي عقد روس الحبال يحلها
الشغل ماهو شغل من يلعب كور = الملعبه تحتاج طبـع اسلومهـا
والناس لو تشره ترى ماتنقرب = واللي عقد روس الحبال يحلها
وفواز السنيني=
يا مرحبا يا مرحبا يا من حضر = واسلومها تتبع خطى مفهومها
ماهي كما خبرك ترقّب واحتسب = واللي عقد روس الحبال يحلها
يابن خير الله ما بقى بعد العصر = كود البشر ياللي لها سلّومهـا
من بعد ما طاح الجدر والمنتخب = واللي عقد روس الحبال يحلهـا
ابن خيرالله الردادي=
انتا عميلي ياعميلي لك نظـر = والناس واجبها لزوم اكرامهـا
جيتك وانا خابرك تعتبلك عتب = واللي عقد روس الحبال يحلها
الناس فيهم خير والدنيا بخير = ياقرم فيك الخير جوك اقرومها
واللي يطيح اليوم بكره ينتصب = واللي عقد روس الحبال يحلها
وفواز السنيني=
اصبحت يابن خير الله تقرا الخبر = الله يبـارك بالوطـن وفرومهـا
كل العتب ينزل على كل النسـب = واللي عقد روس الحبال يحلهـا
يبا يظهر علينا مهدي منتظـر = يكسر جيوش المشركين ورومها
المشركين اللي لهم نار وحطب = واللي عقد روس الحبال يحلهـا
ابن خيرالله الردادي=
فواز شاعـر والقوافـي تعتبـر = ووطاننا تفخـر بعـز اسلامهـا
وتلومـنـا بالله لله الـعـجـب = واللي عقد روس الحبال يحلهـا
ماهي غريبه لو ظهر شي(ن)ذكر = الناس تقرى اعلومها وحلومهـا
مادمت الدنيا لمن فـاز وغلـب = واللي عقد روس الحبال يحلهـا
وفواز السنيني=
يا محمد الردادي يا عـز وفخـر = حوّلتهـا وانـا لبسـت هدومهـا
وقت النشب ربعك لها وقت النشب = واللي عقد روس الحبـال يحلهـا
انشد رجال العز يمكن انه ظهر = ما بينها يا ليلتن مع يومهـا
واللي ظمى يرتاح لامنه شرب = واللي عقد روس الحبال يحلها
ابن خيرالله الردادي=
لله درك يالسنينـي لـك اجـر = والناس يافـواز محـد يلومهـا
ربعي وربعك كلهم عز الطلـب = واللي عقد روس الحبال يحلهـا
لاتنشد العالم عن علوم المطـر = الناس ترشدكم وهي بهمومهـا
اللي يجاوب خير من راح وهرب = واللي عقد روس الحبال يحلهـا