يامن يودي رِسّلَتي يوم أوصيه=بوْصيه انا للطيبه بلوغُها
بُلّغَة جوابي يوم أقوله ، أبا أثّنِيه=سنة نبي وأمة محمد ثَنَوْها
مااحسب يجي يوم العرب تنقسم فيه=يودها قومٍ وقومٍ شنوها
مِشّغِل دقايق وقتنا في ثوانيه،=صورة رسمهالي القَدَرّ وأخذوْها
والوقت.. حادينا وحنا .. نحوديه=وهي حداها الوقت وعنا حدوها
واليوم واجب. واجبي كيف اخليه=واجب اواصلها ولو بعدوْها
وأبَيِّنْ الها علم .. عنها يخَفِيِه،=بُعد المسافة ؛ لو ماقيسوها
من هو تباطأ وقت.. ياتيه ياتيه=ومن لا يبادر دعوته ... لْجِمَوْها
ومن طاعته دنياه فاالله يهنّيِه=وما طاعت الدنيا لمن لا عصوها
والحي تاسع في دروبه خطاويه=أقدار ،، ولا له خِطَطْ خططوها..
كِتَبْت كَتّبْ وطاويه في مطاويه=فيه السلام رحمة الله ؛ إرحموها
وقولوا:عسى شانِيك ربِك يشانيه=_وإثنوا لها بالجابه وكرِرُوها_
لكني عشت وشفت وعشتي وشفتيه=الخلق حتى ،، أفاقنا ؛ قفلوها
ولا خير فيمن لا زعل نَفّضْ ايديه=نسيْ العلوم السابقة كلبوها
كيف انسى من زين النبأ من معانيه=والله منساها ولو هم نسوْها
أنسي بعد حيي!؟ .. ومرحب!؟ ولبيه!؟=لا بارك الله فالذي دشروها
يامنوة الخافق وغاية مشاهييه=ولذة غرامي وعشقتي ، مادَرَوْها...
لا خير فيمن حاضره هد ماضيه=ترى الحرار اسلومهم عززوها
حطولها شاهق رفيعه مبانيه=وطبحوا من دونها واحتموها
من هو يطيع المستبد في مباديه!؟.=ترا الرجال ان طَبَعَوْ ؛ ورِثَوْها
وباكر يجينا جيل ، ربِك ينجيه=بأفكار من لانظرته قرروها
الحُب عُذري ... وكل عُذري ، مُحِبْ ... إيه."=يامن عليّ أنكر بها ، سَمْعُوها.
بعد الكلام اللي كتبت وقريتيه=عندي المودة باقية ماأخلفوها
الود ماابيعه بعد ماشريتيه=وأغلي مثامينك ولو رَخصَوْها
والعهد والميثاق والوعد نوفيه=جِبِله امن الله ولا غيروها
من يعرف ان الله يميته ويحيِه=وفي منزل الاخرى بيوته بنوها
إما يحاسب روحه مازال يمديه=محاسبين الاخرة حاسبوها
تمت وصلى الله على خير ؛ هاديه=عداد محصيها ومن لاحصوها