|
كثرة رسايلنا وقلت ردودك
[color="olive"]
صديق عزيز كان بالماضى لايكاد يمر يوم من غير مانشوف بعض وبعد ان فرقتنا الاعمال ظل التواصل بالهاتف والرسائل والايميلات والواتس اب [/color]ولكن فى الاونه الاخيرة اصبح صاحبنا رجل اعمال وكثير التجوال واذا دخل بلد شال شريحة جواله وحط شريحة البلد اللي هو فية وبعد عدة اتصالات ومحاولات لم استطع التواصل معه فجأت هذة الخاطرة التى رد عليها فيما بعد وردينا على ردة ولكن اترك الردود فيما بعد واترككم مع الخاطرة وللجميع اطيب التحايا........ ياهاتفي ان كان باحت سدودك****وصل رسايلنا على غير تأخير كثرة رسايلنا وقلت ردودك****سلامتك قلي عسى مانعك خير ماضنتي رد الرسايل يكودك****الله يجيرك من صروف المقادير وان كانها بزنس عسى الله يزودك****لاشك لاتنسى ترا صاحبك غير يغليك ويعزك ويبقى وجودك****وتسلم سلمت ولك معزة وتقدير |
حياك وصح لسانك وهذي ماهي خاطره هذي قصيده صح لسانك مره اخرى
|
ياهاتفي ان كان باحت سدودك****وصل رسايلنا على غير تأخير
كثرة رسايلنا وقلت ردودك****سلامتك قلي عسى مانعك خير ... من تخاطب يانادر جوالك ولا خويك اللي كثرة سفرياته..انا وقفت عند وقلت ردودك وقبل شوي تكلم عن خويك والبدايه تقول ياهاتفي ع.....العموم صح لسانك على هالقصيده وليست الخاطره مبدع دائما يانادر |
الشاعر الجزل
نادرالنادر صح لسانك وعتلا شانك عدم التواصل والانشغال بالدنياء عند الناس كلها الله لايشغلنا غير في طاعته |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
اقتباس:
الاخ / نايف الفريدي الله يحييك ويرضى عليك وصح بدنك وتسلم على طيب المرور وكريم الشعور |
اقتباس:
الاخ العزيز/ نايف الفريدى الله يحييك ويرضى عليك وصح بدنك ولك وافر الشكر والتقدير لكريم المرور ونبيل الشعور |
اقتباس:
الاخ العزيز/ تركي العماني صح بدنك ياغالي والابداع يتجلى بمرورك وكريم شعورك وصدقت بداية الخطاب موجه الى الجوال الذى كنت اقلبه بين يدي واتصفح الرسائل التى ارسلتها ولم يأتى لها جواب ثم انتقلت الى صاحبي بالتفكير وخاطبته بالخطاب السابق ...ولعلي من باب الطرافة اورد سالفة بالسابق اللي يقولون انه كان ينادي صاحبه من بعيد بصوت مرتفع وصاحبه لايسمعه وبعدين اخذ الدربيل واذا صاحبه قد قرب منه فقال له بصوت منخفض وينك يابن الحلال تعبت وانا انادي عليك فنسى ان المسافة قربت بالدربيل وكذالك انا خاطبت جوالي ونقلت خيالي ..... |
صح الله لسانك ولاهنت وسلم فكرك وبنانك دمت برعاية الله وحفظة |
اقتباس:
فهد ابن غانم صح بدنك والله لايهينك وسلمت ودمت على العز والمعزة ولك تقديري واحترامي لمرورك الكريم |
الساعة الآن 12:11 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir