|
قال الذي خطرن عليه يتجنن وين انت ياخطاب والا اسامه
قال الذي خطرن عليه يتجـــــــــنن = وين انت يا خطاب والا اســـــــامه وين الرجال اللي على الفزعه تحن = اللي لهم في عرش الاسلام هـــامـه طروا علي اللي لهم بالعدا فــــــــن = من عقبهم والذل ركز خيــــــــــام بالامس خيل الله كرن وفــــــــــرن = واليوم صرنا بس نبغى الســـــلامه راح العراق اللي فراقه يحــــــــزن = وعقب العراق الفرس قفـوا بشــامه باسم السياسه ياعرب والتمـــــــدن = قوسن خذوها يارجال الفخــــــــامه قوسن خذوها والنواظر يشــــــوفن = وانتم سببها يادعـاة الكـــــــــــرامه بشار يقصف والمساميع يـــــــوحن = بحمص العديه مايثني كــــــــــلامه يبطش وشر المعركه شنــــــها شـن = خلى ذيابتـكم سـواة النعــــــــــــامه ياللاسف خبتـم وخيبـتم الــــــــــظن = لا دين لانخوه ولامن شهــــــــــامه هذي مواقفكم ماراحــــــــن ولاجـن = منها لحقـكم كل ذم ومــــــــــــلامه وطرد السفير وشجبكــــــم مايثمـن = في صفحة التاريخ تبقــــى رخامه اما مواقيــفن يســدن ويــــــــشفن = والا تنحوا مالكم بالزعــــــــــــامه تكفى يابو متعب حروفــــــن يهزن = انته بقايا المجد وآخـــــــــر علامه تكفى ياخو فيصل حـــروفن يشالن = من ثقلهن تتعب كتـــــوف الخمامه والا انت حر و نســل حرن مهيمن = دون الاخوه تجـــــــدعون العمـامه نبغى بمساجــــــــــدنا يلـج الموذن = حيآ على الجنـــــــــه وذروة سنامه ونبغى بعد امرك جيـــوشن يصفن = فيهن على سحق الجمــاجم ضرامه فرقه تصبحهم وفـــــــــرقه يمسن = ويومن عليهم مثل يـــــوم الرغامه قلته وانا خطرن علــــــــي اتجنن = من مجزرة بشار وسطــــوة نظامه |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
صح الله لسانك ولاهنت وسلم فكرك وبنانك دمت برعاية الله وحفظة |
الحب الباقي
صح الله بدنك واشكرك على مرورك وتعليقك... |
فهد ابن غانم
صح الله بدنك وشكرا على مرورك وتعليقك... |
الشاعر محمد هابس
قصدت فاجدت صح لسانك |
ابوهليل
صح الله بدنك اشكرك على مرورك واعجابك بالقصيده واعتز في ذلك... |
الشاعر الجزل
محمد هابس صح لسانك كلام واقعي اخي الغالي هل انت اخو فليح هابس السليمي |
اقتباس:
الشاعر القدير سعد المحمدي صح الله بدنك واشكرك على مرورك واشادتك اعتز فيها وانا محمد هابس العوني المزيني.... |
اقتباس:
|
الساعة الآن 02:25 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir