|
( عقلك يقديك لو يسلم من الرجــه ) من قديم كتاباتي
عقلك يقديك لو يسلم من الرجــه = والهم وإن زاد لك ربك يفـرجّها والوقت ما حي يسلم يوم من عجه = وإدرى على الروح مهما فيك يزعـجـها وإن جات بعض المعاني فيك مندجه = خل الستر بينها والطيب يدمجها وان كان ذاك الخوي مايحتمي هرجه = إنساه مثلك خيوط الطيب ينسجها وان شفت حولك غريق من الزمن نجه = الخير سوه ونفسك صون منهجها وإن طال فيك الزمن مافك لك درجه = كل المفاتيح بالريموت برمجها وكلمة بداخل ضميرك تنوي الخرجه = احسب لجابتك قبل إنك تخرجها وعلم الوفا يوم لا يفقد معك نهجه = والطيبة بين كل الناس درِجها ياصاحبي والقدم لا راح بك سجه = اعرف على وين خطوة فيك تسهجها |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
وان شفت حولك غريق من الزمن نجه = الخيـر سـوه ونفـسـك صــون منهجـهـا
وإن طال فيـك الزمـن مافـك لـك درجـه = كـــل المفـاتـيـح بـالـريـمـوت بـرمـجـهـا وكلمة بداخـل ضميـرك تنـوي الخرجـه = احـسـب لجابـتـك قـبـل إنـــك تخـرجـهـا مشكور الله يعطيك العافيه وصح السانك وعتلا شانك تحياتي وتقديري لك على هادره |
اقتباس:
الله وان قيل وين الجزالة قول شاهدها ابو محمد يقدم لك معانيها صح السانك وبيض الله وجهك لاعدمناك |
صح الله لسانك ولاهنت وسلم فكرك وبنانك دمت برعاية الله وحفظة |
صح السانك ملايين وبيض الله وجهك وفداك الاش قلت واجزلت بارك الله فيك |
إبداع من شااااعر الابداع
ولايستغرب هذا الابداع من شاعر بحجمك وموهبتك الشعرية .... صح لسانك ملايين وتقبل تحياتي |
صح السانك لاهنت كل عام وانتم بصحة وسلامة عساكم من عوادة ..والله يتقبل منا ومنك صالح الأعمال مراقبنا وشاعرنا القدير بخيتان البشري |
كل عام والجميع بخير وعساكم من عواده صح السانك ودام عزك وبيض الله وجهك قصيده في غاية الروعه والجمال الله يعطيك العافيه دمتم على العز والتقدير |
الساعة الآن 04:12 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir