|
ما يجهلون الفرم شعب الجزيره
قصيدة متواضعه تعبر عن المشاعر اتجاه الدور المثمر الذي لعبه( الشيخ / بندر الفرم )
والحمله الذي قادها وساهمو فيها ابناء حرب واهل الخير من ابناء المجتمع من اجل العفو عن خالد الحربي وتكللت بالنجاح ولله الحمد
ياكافلن مبلغ ثلاثين مليون = تطلب من الحربي بفتره قصيره والله ونعمن بك ثلاثين بليون = ولاهي علا شيخن بحجمك كثيره شيخن ولد شيخن به الناس يدرون = مايجهلون الفرم شعب الجزيره من شوخنا اللي ساعة الضيق يثنون = اهل سيوفن بالملاقى شطيره اول وتالي بالمواقف يسدون = ون اقامو اتقوم الجموع الغفيره والدم اهله اللي من المال يبغون = بامر الكريم من الامور اليسيره قبل الوعد والمال كامل ومضمون = وابطال حرب مواصلين المسيره واللي من اهل الجود معهم يجودون = ناساً من اهل الخير من كل ديره الله يساعد كل من قدم العون = ويكتب له الغفران حربي وغيره ويهني اللي بالسلامه يهنون = ونامي وعينك يام خالد قريره ماعاد خالد خلف الابواب مسجون = بشرك ربي بالفرج يابشيره ولاعل ما المسلم مطالب ومديون = من اقصاء الملا والا من ادنا العشيره |
الشاعر الجزل
عامر الحربي صح لسانك وبيض الله وجهك والفرم يستاهل الثناء من القبيله الله يبيض وجهه |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
صح لسانك والله يبيض وجهك
الفروم من زمان ومواقفهم ترفع الراس والموقف الاخير هذا لحاله منقبه ومفخره قل نظيرها مع القبائل مبلغ تعجيزي في فتره قصيره لقد الحمد لله أولاً واخيراً ثم للشيخ سليل الشيوخ الي واقولها صادق لو لم يكن في نسبه شيخه لكانت شيخته بفعله وطول يمناه هني حرب بواحداً مثله. |
الله الله الله
صح لسانك اخوي / عامر الشدادي و يستاهل اخو حسناء اشهد بالله ان القصور عنه بعيد و نشكر كل من الشيخ/ عبد الرزاق المنور و الاستاذ/ دويحان العلوي و جميع اعضاء اللجنة و جميع ابناء القبيلة الذين تفاعلوا مع خالد |
صح الله لسانك ولاهنت وسلم فكرك وبنانك دمت برعاية الله وحفظة |
الله يجزاهم خير..
سلمت.. |
صح لسانك ياعامر
وبيض الله وجه الفرم وبيض الله وجه حرب الذي اكملو المبلغ وكل من ساندهم من جميع القبائل ومبروك ل ام خالد بسلامة ولدها |
صح لسانك
ابداااااااع بلاحدود |
اقتباس:
سعد المحمدي صح بدنك ولاهنت على مرورك الرائع والمشرف |
الساعة الآن 03:47 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir