لا والله الا ساع دقن الاجراس=سرقت بيوت الشعر رغم الحراسه
الشعر مثل البني لابد له ساس=ولا يستوي بنين على غير ساسه
قد قلت له حرفٍ بدعته من الراس=مصدر شعر ماناخذه بالدراسه
بعض المعاني مثل غوال الانفاس=وبعض المعاني ماتثير الحماسه
يابووليد الوضع بالحيل حساس=صاحبك مٌرسل شي من بدع راسه
من يوم جات بيوت شعره وانا حاس=ماهي من افكاره ولا ضرب فاسه
دورت في قوقل عن بيوت جساس=ولا خاب ظني فيه ليه الطفاسه
لقيت انا بيوته مراسيل لناس =في منتدى لهل الطرب والوناسه
اكبر مصيبه يوم يسرق للأحساس=ويقول انا شاعر وصاحب فراسه
سلم عليه وقول يابنك الافلاس=هذي فعول اهل الردى والدناسه

صح بدنك شاكر مرورك

صح السانك مميزه
هذي القصيده
السرقات افة الشعر

المشاركة الأصلية كتبت بواسطة سعد المحمدي (المشاركة 1224430) سمو الاحساس صح لسانك والتستر على السارق او السارقه للقصائد خطاء كبير من المفروض كشفه امام الملا اما يثبت ان لابيات له او يعتبر سارق كلن دايم القصائد في الاسماء المستعاره مثل البعير اللي ماعليه وسم يعني الكل يطمع فيه اذا كان محل لطمع ارى كشف السارق ووضع رابط المنتدا الذي فيه السرقه تحياتي وتقديري

اسعدني مرورك وتقبل تحياتي