اليوم انا شفت الجمال اللي منه عقلي بهر = الله من حالي بعد ماشفت انا بدر البدور
من شوفته جسمي تكهرب واندمر حالي دمر= نظرة ونا من عقبها ماغير الف وغير ادور
غرو(ن) تناظرني ونا نيران قلبي تستعر= تحركت كل العروق الساكنة وسط الصدور
كل المحاسن حطها فيها عزيز مقتدر= يالايمي لو شفت ماشفته وجنيت امعذور
بغيت اقاوم ماقدرت اقاوم الطرف الحور = ابو جبين (ن)يشبه البراق والعينين حور
ومجدل كالليل الاسود فوق متنه منحدر= مغطي المتنين من غزره ومن طول الشعور
والخشم سلة سيف من شافه تعرض للخطر = ينهي جميع اللي قباله لاتباين للحضور
ابو ثمان (ن) كنها اللولو تبين وتستتر= متقابلة سطرين في ثفر(ن) جمع كل السطور
والوجه لامنه بدا ماله شبيه الا القمر= البيت من نوره منور مايبي له وضع نور
والعنق عنق غزيل(ن) لامر من بين الشجر= الورد من حوله ويقطف ماصفاله من زهور
سهيف الذرعان والبوس الذهب فيها قطر = ومنقش الكفين بالحنا معتق ومخمور
والقد لاجيت او صفه والياه منحول الخصر= لاهو سمين اولاهزيل الوسط في كل الامور
زاد الحلا نطق(ن) مهذب يشبه لسلم الدرر = والمسك والعنبر وما غلي الثمن ريح العطور
بغيتها ليه حليلة نشترك طول العمر= واقضي حياتي مع هوى قلبي على انس وسرور
ناديتها قلبي تولع بك وسلمت الامر = حني على قلبي ترى المحبوب يرحم مايجور
قالت رعاك الله والقسمة تحت حكم القدر = اصرف نظر عني تحلى بالصبر خلك صبور
دورت من يسعى وقالوا يارجل منك العذر = خلك على مانت عليه ولا يجي فيك الغرور
هي عمرها ستة عشر عمرك ورى الستين مر = فرق العمر شاسع وحالك كل يوم في قصور
بناتنا من لاح شيبه مالهن يمه نظر = لو انهن من كثرهن مليا السرايا والقصور
لوكان سقت الما ل كله في بخاشيش ومهر = اللمبة الحمرا على دربك وتمنعك المرور
هون على نفسك وخلك مع قديمك مستمر = تبغى تشبب وانت عندك من يبادلك الشعور
هذي نصيحة وانت قيس اقياس حالك يالظفر = مدري بعد عسر(ن) يسروالابعديسر(ن) عسور

المشاركة الأصلية كتبت بواسطة فايزموسى البشري (المشاركة 1163789) نـاديــتــهــا قــلــبـــي تـــولــــع بـــــــك وســلـــمـــت الامــــــــر حنـي عـلـى قلـبـي تــرى المحـبـوب يـرحـم مايـجـور قــالــت رعــــاك الله والـقـسـمـة تــحـــت حــكـــم الــقـــدر اصـرف نظـر عنـي تحلـى بالصبـر خلـك صـبـور دورت مـــن يـسـعــى وقــالــوا يــارجــل مــنــك الــعــذر خـلـك عـلـى مـانـت علـيـه ولا يـجـي فـيــك الـغــرور هـي عمرهـا ستـة عشـر عمـرك ورى الستيـن مــر فـرق العمـر شاسـع وحـالـك كــل يــوم فــي قـصـور بـنــاتــنــا مـــــــن لاح شــيــبـــه مــالــهـــن يـــمــــه نــــظــــر لـــو انــهــن مــــن كـثـرهــن مـلـيــا الـسـرايــا والـقـصــور لـوكـان سـقـت الـمـا ل كـلــه فـــي بخـاشـيـش ومـهــر الـلـمـبـة الـحـمــرا عــلـــى دربـــــك وتـمـنـعــك الــمـــرور هـــون عـلــى نـفـسـك وخـلــك مـــع قـديـمـك مـسـتـمـر تبـغـى تشـبـب وانــت عـنـدك مــن يبـادلـك الشـعـور هـذي نصيحـة وانـت قيـس اقيـاس حـالـك يالظـفـر مدري بعـد عسـر(ن) يسروالابعديسـر(ن) عسـور السلام عليكم ورحمة الله وبركاته صباح الخير الشاعر حسين مريع العبيدي صح الله لسانك واطال الله عمرك على الطاعه

المشاركة الأصلية كتبت بواسطة الكحيلة (المشاركة 1164036) صح السانك لاهنت شاعرنا القدير نص رائع لاشك

المشاركة الأصلية كتبت بواسطة أحمد سليمان الجابري (المشاركة 1164120) صح الله لسانك على جزل المشاعر والشعر=شاعر كفو شاعر كفو شاعر كفو مابك قصور