ملتقى قبيلة حرب الرسمي - يا مرحبا في دولة ابن سعود

مطلق الثبيتي

يا مرحبا في دولة ابن سعود*** اللي تعز الله والمصطفى

صياف الحربي

ياللي ترحب مع شرار الزنود*** ليلتك هذي برد و لا دفى

أهل الوطن صاحين ماهم رقود* عان العلم يومي في راس الشفا

مطلق

ماني براحم كلب ولا قعود *** لن بركوها فوق صم الصفا

لا تشعل الفتنه عيال اليهود*** اللي سباريها كلاها الحفا

صياف

نرسل لك الضباط قبل الجنود *** فالوجه نعطيها ما هي فالقفا

تبغى الزياده مير ما فيه زود *** ولع لك النور الصغير وطفى

مطلق

ترى سواليفك تعل الكبود *** ياللي تغثرب كل جم صفا

بعد الصوادر ناطحتها الورود *** خلك ذهين ولا تبذ الخفا

صياف

حنا بلشنا فالبعير الشرود *** طلع على راس الجبل واختفى

حنا ليا قمنا نحل العقود*** لا تعترض للافي اللي لفى

مطلق

أتعبتني يا قرد يا بن القرود *** مليت لك حوضك عسل وانكفى

حطيت ما بيني وبينك حدود *** واللي مضى لي من زماني كفى

صياف

لا و الله الا ثورن الفرود *** واهل الشرف عند اللزوم شرفا

الجيش جاتك من حدور وسنود *** عشرين رجلي واربعين ردفا

للمشاهدة هنا

http://www.youtube.com/watch?v=FHWKs...eature=related

http://www.youtube.com/watch?v=IW8Vn...eature=related