من بعد طول الغياب ومن بعد فترة طويلة=جيتكم يا حرب تقدير ومحبة واحترامي
جعل تفداكم يمين النذل والكف البخيله=يا مشبعة الجياع ويا مرّوية الضوامي

مرحبابك مرحبابك عد وبلً من مخيلـه = وأنت رجلً ماعليك خلاف وأربوعك كرامي
طيبين وغانمين ويكسبون من الجميله = والجميلة لاتباع ولاتعار ولا تســامـي

البقا يا شاعرٍ مثّل سلوم اهل القبيلة=دام عزك يا رفيقي بعد تقرير استلامي
ما خبرنا حاجةٍ عند النشاما مستحيله=دام بأن الامر واضح وان ذاك الاسم سامي

زان حظك ياعميلً ماعرف عملة عميلـــه = وكان عندك علم ثاني روح وأزهم بالأسامــي
أحسم الموضوع قبل تصير دعواكم طويله = ولا تسافر يابن غامد مع دهاليز الضــلامـي