خليفه المزروعي=
أرجوك لاتزعل وصدرك يضيقي=أناتراني ماحتمل يوم ضيقتك
أنته وأنا ربي جمعنا إفطريقي=بس البلا وألمشكله ليش لفتك
أناترا لن قلت قولي حقيقي=الله زرع في وسط قلبي مودتك
إن غبت عني وش يساوي فريقي=فريق كامل مانرا غير حضرتك
حملت قلبي حمل مايستطيقي=بهمومنا نشري مع الناس ضحكتك
خل للعشم فيكم شوية بريقي=وأنته عميل الطيب دايم سجيتك
إنت الوحيد اللي في زماني صديقي=ودنياي ماتسوا تراها بفرقتك
وقيس البحر قدام وقع الغريقي=وهاذي نهاية حجتي هات حجتك
رد علي الشيخ=
لا ضايقن صدري ولا جف ريقي = بيني وما بين الزعل عن ملامتك
مسافةٍ مــا اظنــــها تستضيقي = لو حاولوا تحجيمها حسب هقوتك
مديت لك حـــبل الصداقه وثيقي = على النقا فيما يوثق صداقتك
كنت احسبك مثلي عليها شفيقي = لكن مدري وين الافكار ودتك
عدوانــك اليا ولعوها حـــــريقي = انا على يمناك من روس فزعتك
ما يدرق عن صلوها الا الرقيقي = واللاش والخايب وحكم قناعتك
ولو القلوب النــــايمه تستفيقي =من نومها عن باقي الناس كفتك
ولــــو ما تلفق لك تهايم لفيقي = ما تتهم قـــدام تـــثبت ادانتــــك
قلنا امنعوا عنــا اللسان الطليقي = بعد صبرنا ايام وارجع لذمتك
والا اكشفوا عنه الغطـا يا شقيقي = لكنـــها مرت عليك وتعدتـــك
لاصرت في روس النوايف مويقي = وجتك السهوم الحاقده لو هي اخطتك
وصديت عنها والحقوك اللــحيقي = واقرب قريبٍ لك يشك بأما نتـــــك
هذي بداية حجتي يا رفيقي = واللي بقا منها مضامينها جتك
جنبتها عن كل ما لا يليقي = خاتم عليها ختم علمي سلامتك

المشاركة الأصلية كتبت بواسطة شداد الغيداني (المشاركة 1112527) صحت اللسنتكم جميعاً ع المساجله الرائعه

المشاركة الأصلية كتبت بواسطة رابح الجحدلي (المشاركة 1112542) ¨°o.o ( ×××××××) o.o°¨ صحت السنتكم والله يـعـطـيـكم الـعـافيـــــــــــة بيض الله وجيهكم

المشاركة الأصلية كتبت بواسطة ابوفياض النويمي (المشاركة 1112582) صحت السنتكم وابداعكم الرائع كلام جميل من الشاعرين الله يعطيكم العافيه / \