الليله الليله نبيها نار حمراء مولعه=ومن يحترق بالنار لايبكو عليه امه وابوه
تروح يم سدير والا تروح يم المجمعه=من لايشرف لابته لا واخصارة من ربوه

الليله الليله لسانك ياعلي بنقطعه=وقول هذا زرع بن قحطان والليله جنوه
فسدير ولا المجمعه وبقيق حنانردعه=أنكان عن درب الخطا والشر عجزو يلزموه

الضربه اللي بعد ماجاتك تراها موجعه=وان كان ماصدقتني هذا الطريق وجربوه
المبصر اللي يدور الاثنين قبل الاربعه=مدري انت ضمن اللي مشو والا من اللي مامشوه

المشاركة الأصلية كتبت بواسطة سعد المحمدي (المشاركة 1108015) الشاعر القدير علي حاسن صح لسانك مبداء هجومي وفي انتضار الشاعر مشعل المعبدي ونقول صح لسانك مقدمٍ

خلك على هونك قبل نابك وضرسك نقلعه=يلي بديت الحرب والأجواد قبلك مابدوه
الزور والبهتان حنا ياعلي مانسمعه=تنفيه ربعي حرب ونته لابتك والله نفوه

الاوله راحت يامشعل لكن الدنيا سعه=واللي كليته في طريقك ياكثر من هم كلوه
الموتر اللي معك يامشعل تراها مقربعه=وان كان مشعل مافهمها ياصحابه فهموه

مدامت الدنيا سعه مدري علي وش يشبعه=ياكل ولايحسب ويجحدها العرب فلي عطوه
هذا ولد حاسن بجيه القنفذه وجربعه=حتا يخليها العرب بلوى وخلق الله بلوه

مدري لقيت المنفعه ولا جهلت المنفعه=مير انتبه الضرس لاتنساه مثل اللي نسوه
الحريبقى حر بالبرقع وقبل تبرقعه=ياكثر منهم دورو له لين تعبو مالقوه