بين الرجا والياس دمعه وبسمه=وبين الغلا والشوق صاحي ومجنون
يعني على ماقيل حمه وحمه=تضرب جسد مشتاق والحب ملعون
لنه شتات القلب والزين لمه=واصبح يداريني وانا فيه مفتون
ياهاجس الملتاع هات المطمه=خل التمذرح بين مكه وصهيون
يابلشة الشاعر ويافور دمه=دايم على صوره بها العلم مدفون
اللي بقوله ياربع كيف اخمه=يوم القوافي جنبت قدم العيون
الطلقه اللي دون الاهداف زمه=والبندق القشرى بها الناس يرومون
كلن على قافه نظم ويش همه=وكلن على بدعه يخاطب له اشجون
وانا على قافي دموع(ن) وضمه=مجرم محبه داخل القلب مسجون
اللي مسح دمع الوجاين بكمه=يقول سجل باقي العمر مرهون