حفيد الحجيري =
يامرحبا ياهلا واليوم يوم الخميس = فالمحل الكريم اللي يعز الكرام
يوم يومين باقي ويتصفدّ ابليس =لوشياطين مكة ماعليها ملام
بخيتان =
البقا يالحجيري وانت معنا جليس = في وجود الرجال الطيبة والحشام
لو شياطين الأنس اتحط في جوف كيس = كل صايم يصوم ولا يضيع الصيام
حفيد الحجيري =
يابخيتان اعرفك للمعاني تقيس = والمعاني قديمة والطواريق خام
راعي البشت ظلا للمراجل حبيس = مير تالي زمانه ضاع راع المقام
بخيتان =
البضايع كثيرة وانت تاجر حسيس =بالغلا تشتري يوم البضايع تسام
التمر لو كثر فالصيف تلقى دبيس = كم من حر يقعد لا الزمن عنه قام
حفيد الحجيري =
ماشرينا من اللي حال سوقه حويس =مايميز مابين النور والا الظلام
مابقى له سوى يحي وباقي لميس = مشتقي لا بقى ماموم لا اصبح امام
بخيتان =
مانحسّب حساب البوق واهل الدسيس = والعرب تنتقد من قال حسب النظام
البلا كان ضاع ابكومه الخرفسيس = واصبح البيه فالمجلس مقامه مدام