انظام ساهر كلّنا خابرينه=انّه يساعد في كفاح الجريمه
جريمة السرعه عملها ندينه=دايم عواقبها لهلها وخيمه
كم عين ممّن قام فيها حزينه=تبكي وكنّ الدمع همّال غيمه
وانقول ساهر خفّفّ وشاكرينه=مادام جحد الحقّ خصله ذميمه
لاكننا رغم الشكر كارهينه=لاصار من حقّه يزيد القسيمه
هذا عمل شينه طغى فوق زينه =واليوم بالنشد ياالرجال الحكيمه
وين الشيوخ اهل النفوس الامينه=اللي لهم فالنّاس جاه ٍ وقيمه
ترفع لقايد بالوفا ضامنينه=قايد يعزّ الشعب نفسه رحيمه
له يشرحون الوضع زينه وشينه=من شان يلقى حل ّ راع العزيمه
وان بتّ فالموضوع تسلم يمينه=اكيد نلقى خير يده الكريمه

يا خالــــد التــقسيط ولّت سنيـــنه = عن خُبــــرك الماضي قـــفــا السيل ديـــمـــة
راع الكرم للضــــيف يندى جـــبـيـنه =وفـــــــــي مدته يملئ صحــــــــون الولـــيـمـة
حاضر بحاضر جودته من يمـيـنـه = ما يـــتـــرك الــغـــانم سلــــوم الـغـــنــيــمــــة
الورع شره وفي مكانة حصـيــنـة = سواعــــده مــــــثــــــل الجـبال العظــيـــمــــة
هاك الصحيح اللي حكت به جهينه = عــــــــزّي لمن قاضي القـضّيـــة خصـيمــــــة
وصّى الموصّي بالمـكـــــارم بــنـيـنـــه = مـيـر الـولـد ما يـتبــع إلاّ نــديــــمـــــــــه
نهر العطاء قبلــــــه سدودا زبـيـنـة = تدعـــي رهيّات المـوارد مــحـــــيمـــة
وعّداً طغــــاء من فوق صافيه طينه = ألغير دغـــلــــوبه نـفــوعه عــقـيـمـه
حــــــكــــامنا للـشـعـب مـنـبـع مـعـيـنـه = من عـــدلــهـم يــلـقــى المـخـالف هـزيــمـة
ما يــــرتـــضون الــهيّــنة والمــهــيـنـة = والله عن الــمضيـوم يــجـــلـــون ضــيـمــه
عسى الــــمــدير اللــي يــركّـز كـمـيـنـه = تــقــصر طموحـاته بــنـظره حـــمـيـــــمـــة
من قائد العــــــــدل وضميره وعـينه = بو مـتــعب الله للــعـــــدالــــــة يديـمه