بيّحت سدي في رجـا ليّـن العـود=غرو ٍ ذبحني فـي دلالـه وصـده
ماغير اغني به ليـا هبـت النـود=يالله لقلـب مولـع ٍ بــه تــرده
ابو جديل ٍ فـوق الامتـان مكـدود=والبـدر كنـه مستـقـر ٍ بـخـده
انا دخيل اشفـاه وعيونـه السـود=من سهم رمش ٍ يطعن القلب حـده
اليا سهـى تـل المعاليـق بركـود=واليا انتبه جيش الوغـى مستعـده
تخضع شياطين الهوى عنده جنـود=تقـول خاتمهـا بصابيع يـده
فيه انجذاب ٍ يملك الـروح ويسـود=وسحر ٍ من عيون الحـلا يستمـده
له بالغلا عنـدي مواثيـق وعهـود=وله بالحشا جمـرة غـرام ومـوده
يتل قلبـي يمـه الشـوق ويجـود=والوقـت حادينـي بجـزره ومـده
في ديرة ٍ من دونها شعب وحـدود=عذب ٍ هواهـا والعـواذل مصـده
نرهي على شوفه ونرهي على الزود=واليـا تهيـا نـازح البيـن لــده
يكفيني املا منـه الاعيـان واعـود=واستحظره لاضاق صـدري وارده

وسلامتــــكم ,,