بخيتان البشري =
سلام من شاعر يمد الجزل والقابض متين = اهل المذاهب اربعة وانا تبعت الحنبلي
مدري زكاة الشعر للمفتاق عند المحسنين = والا بها دفع البلا للي بلاه المبتلي
حفيد الحجيري =
يـا مرحبـا مـن شاعـرن مـده مـن الـدرّ الثمـيـن = وانـا عـلـى مـذهـب رجــال الـديـن والله الـولـي
واللـي ليمنـاكـم يــا ولــد الـعـم مــا مــد اليمـيـن = عنكم يمينه قاصره فالوصف ماله من حلي
بخيتان البشري =
تبقى على التكميل ياعزوة ياذخر الطيبين = وابو حنيفة مذهبه وش حكم فيه المسبلي
والمالكي و الشافعي وش حكمها عند اثنين = صلاة غايب بالوضو والا بدونه قول لي
حفيد الحجيري =
وافـــي وراع الاولـــه مـالــه ســـوى ســمــن وسـمـيــن = والمسـبـل الله لا يهيـنـك فـيـه مـــن ردف الـطـلـي
كل المذاهب حكمها ما يجوز فعل المسبلين = إلا الـعـنــود أم الـعـضــاب أم الـحــريــر الـمـخـمـلـي
بخيتان البشري =
ياهل الوفا ياساس ثابي من عصور الاولين = جت في مذاهبنا مذاهب غيرت فالاولي
اهل اليمن تشاملو والشام جوو متيامنين = وحنا نعرف ان النبي قبلة بقبلة حولي
حفيد الحجيري =
فالوقت هذا يا عريب الجد كم قاسي يلين = والقـصـر لــو يبـنـى عـلـى سيـسـان بنـيـه يعـتـلـي
اللي تشامل ما عليـه حسـاب لـو عـودّ يميـن = أهل الشمال النار لولاهم مـا كانـت تصتلـي
بخيتان البشري =
العام صليت العصر وانا مسافر ركعتين = وهذا السنة طبيتلي في امام زاد وطولي
اقطع صلاتي يالحجيري عنه واسجد سجدتين = والا على مابان لي اصبر ومعه اكملي
حفيد الحجيري =
ماجور من دنياك خذ لك زاد لليوم اليقين = اصـبـر ولا بــدّ الـظـلام بـنـور صـبــرك ينـجـلـي
كمل صلاتك وادع ربك فوق بقعتها يعين = امامها جاهل فِقصر وجمع والمخرج ملي

صحت الالسن وبيض الله وجيهكم
محاورة جزلة لاهنتم
تستحق التقييييم

المشاركة الأصلية كتبت بواسطة نديم المجرة (المشاركة 1069473) صحت السنتكم وبيض الله وجيهكم جزلة جزلة

المشاركة الأصلية كتبت بواسطة نديم المجرة (المشاركة 1069473) صحت السنتكم وبيض الله وجيهكم جزلة جزلة