يا مـل قلـبٍ هواجيسـه يسجنـه =سج النضا بالمطـارق والمشاعيبـي
هن ودهن كل روضٍ زيـن يرعنـه =وهم ودهم بالمساء عـند المعازيبـي
يوم انتهاء كل ما بالخـرج والشنـة =تواعدوا بيـت نطـاح المواجيبـي
شيخٍ صدى صوت نجره كل ما دنـه =يقنب بروس النوازي قنبـة الذيبـي
يرخص خروفه ولا يبخل على بنـه =ويشكر ويذكر ليا عدوا هل الطيبـي
تريحـن وأمرحـن يومنهـن جنـه =وأنا الهواجيس تسرحبي وتسريبـي
راحن بقلبي ولا أدري ويـن ودنـه =أخذت في جوهـن غفـوة وتغييبـي
سجيت معهن علـى فلـمٍ يعرضنـه =عن غيب بعض القرايب والأصاحيبي
ابليس لـولاه كـل النـاس بالجنـة =لاكـن يلعبـنـا راع التلاعيـبـي
يا شين بعض الأوادم لو ضحك سنه =يضحك بوجهي ويشذب في عراقيبي
واللي ليا غبت غوجه للطـرد عنـه =وجرد سيوفه عطيبات المضاريبـي
هجرت كل الـدروب اللـي يمرنـه =أخير لي من مجيه ، عنـه تجنيبـي
ولو ما أقتدي في كتاب الله والسنـة =خليت كلٍ على دينـه يصلـي بـي

يامل قلبً هواجيســــــه يدكنـــــــه = كما تدك الفيافي شمخ النيبــــــــــــــي
إبلٍ ليا قوطرت تسمع لها حــــنــــه = من يوم ماتنطلق وردٍ قواصيبــــــــــي
ضمين و وردن على عدٍ يخبرنــــــــه = عدٍ يبدد ضماهن بالمشاريبي
ميرادهن لابدن في حسبة الكنــــــــه = نقروح صافي ولا فوقــــه غثاريبـــــــي
ثم صدرن وأخشعن من عقب وردنه = وأنا هواجيسي الصلفه محازيبـــــــــي
شافن خفوقي ورى أضلوعي وساقنه = لين أركبن بسرته فوق المراكيبـــــــــي
وقامن على صاجة الواقع يملّنــه = حتى أبتدا يتعبة عرض المكاتيبي
الناس لو تحسن المكنون والظِنـــــــه = ماشفت في وسطها شكاك ومريبــــــــــي
أحيان بعض العرب تظهر لها خنـــــــــه = وأحيان ترمي على الغايب نشاشيبــــــــــي
و(ابن زويبن) تجنب سيرها لـَـنـــــه = يشوف في سيرها بعض العذاريبــــــــــي
وأنا بعد عندي الهرّاج ماكنّـــــــــه = يشفق على غيبتي من شان يحكيبـــــــــــي
رافع حدود النظر في ذمتي عنـّــــه = ولاني معلي مقامه في تعاقيبـــــــــــــــــــي
ولو إن كل ٍ يمشيني على فنــــــــــــــه = رميت في سلة الماضي تجاريبــــــــــي

المشاركة الأصلية كتبت بواسطة غازي الزغيبي (المشاركة 1060077) صح السانك يابن مطلق قراة قصيده جيده جداٍ الناس لو تحسن المكنـون والظِنـه ماشفت في وسطها شكاك ومريبـي أحيان بعض العرب تظهر لها خنـه وأحيان ترمي على الغايب نشاشيبي و(ابن زويبن) تجنب سيرهـا لَنـه يشوف في سيرها بعض العذاريبـي وأنا بعـد عنـدي الهـرّاج ماكنّـه يشفق على غيبتي من شان يحكيبي وصح السانك مرةٍ اخرا

المشاركة الأصلية كتبت بواسطة عاشق نجد (المشاركة 1060078) و(ابــن زويـبـن) تـجـنـب سـيـرهـا لَـنــه = يشـوف فـي سيرهـا بـعـض العذاريـبـي وأنــــا بــعــد عــنــدي الــهـــرّاج مـاكــنّــه = يشفق على غيبتي من شان يحكيبي رافــع حــدود النـظـر فــي ذمـتــي عـنّــه = ولانـــي مـعـلـي مـقـامـه فـــي تعاقـيـبـي ولــو إن كــل ٍ يمشـيـنـي عـلــى فـنــه = رمـيـت فــي سـلـة المـاضـي تجـاريـبـي لله درك يابومطلق صح لسانك وسلم بنانك والله يبيض وجهك ويازين الابل وطاري الابل .

المشاركة الأصلية كتبت بواسطة الكحيلة (المشاركة 1060137) الناس لو تحسن المكنـون والظِنـه= ماشفت في وسطها شكاك ومريبـي أحيان بعض العرب تظهر لها خنـه= وأحيان ترمي على الغايب نشاشيبي نص رائع وصحت السنتكم شعار متمكنين من الشعر والجزالة

المشاركة الأصلية كتبت بواسطة رابح الجحدلي (المشاركة 1060141) ¨°o.o ( ×××××××) o.o°¨ صح لسانك مليون على القصيده والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة سعد المحمدي (المشاركة 1060157) الشاعر الكبير فهد مطلق صح لسانك وبيض الله وجهك على المجاراه الراااااااااااااااااائع بروعة شاعرها اخي الغالي القصيده قمة ومن اروع ماقريت وقصيده تستحق الاشاده ياناس ياهل الشعر اذا ماهاذي القصيده مجاراه ميه بالميه لقصيدة ابن زويبن كيف تكون المجاراه اقولها بالفم المليان جزله جزله جزله من راس جزل

المشاركة الأصلية كتبت بواسطة الأنامل الفضية (المشاركة 1060196) صح لسانك اخوي لا عدمنا ابداعك

المشاركة الأصلية كتبت بواسطة عامر الحربي (المشاركة 1060239) صح السانك وبيض الله وجهك قصيده جزله وشاعرها جزل دمت ودام بداعك تقبل التقدير والاحترام

المشاركة الأصلية كتبت بواسطة عبدالله بن جربوع (المشاركة 1060254) الله اكبر عليك يابو مطلق شاعر داهية والله مجاراه رائعه اقف لك احترامآ على هذه القصيده التي افخر بها وبشاعرها

المشاركة الأصلية كتبت بواسطة ابو باسل الحربي (المشاركة 1060397) ولو إن كل ٍ يمشينـي علـى فنـه رميت في سلة الماضـي تجاريبـي صح لسانك لو ان ماقلت الا هذا البيت لكفاك تحياتي لك

المشاركة الأصلية كتبت بواسطة الجرح (المشاركة 1060434) لاهنت وصح السانك تقبل التقدير والاحترام وفقك الله

المشاركة الأصلية كتبت بواسطة تـركـي (المشاركة 1060719) ياسلام ياسلام ياسلام سلم مجاراة كااااااااايفة ياشاعرنا فهد صح الساآآآآآآآنك ولله درررررررك لااااااااهنت

المشاركة الأصلية كتبت بواسطة ميس الريم (المشاركة 1060778) صح السانك أخوي,,,, قمة فا للذوق,,, ,,,,,

المشاركة الأصلية كتبت بواسطة تركي العماني (المشاركة 1060901) الاخ والشاعر القدير ...فهد مطلق السليمي صح لسانك والله يبيض وجهك على هذه المجاره القيّمه قلت واجزلت وجاريت ابومطلق انت شاعر بلسان الجميع وليس بلساني انا فقط كل قصيده قرأتها لك تدلي بشهادتها في ابداعاتك السابقه والمستقبليه والابداع من اهل الابداع لايستغرب وانت مبدع يابومطلق .بدون اي مجامله تحياتي وتقديري لك

المشاركة الأصلية كتبت بواسطة عبدالرحمن المخلفي (المشاركة 1061058) صح لسانك وبيض الله وجهك قصيده رائعه تقبل مروري

المشاركة الأصلية كتبت بواسطة وليف الشوق (المشاركة 1061066) صحت السنتكم وبيض الله وجيهكم على هذا الابداع

المشاركة الأصلية كتبت بواسطة فواز الزويهري (المشاركة 1061103) لله درك يابومطلق صح لسانك وسلم بنانك والله يبيض وجهك

المشاركة الأصلية كتبت بواسطة فهد ابن غانم (المشاركة 1061366) صح الله لسانك ولاهنت وسلم فكرك وبنانك دمت برعاية الله وحفظة

المشاركة الأصلية كتبت بواسطة سمو الاحساس (المشاركة 1061544) صــــح السانك يا بو مطلق على القصيده الجزلة تقبل تحياتي