يـا مـل قلـبٍ هواجيسـه يسجنـه= سج النضا بالمطـارق والمشاعيبـي
هن ودهن كل روضٍ زيـن يرعنـه= وهم ودهم بالمسا عنـد المعازيبـي
يوم انتهى كل ما بالخـرج والشنـه= تواعـدوا بيـت نطـاح المواجيبـي
شيخٍ صدى صوت نجره كل ما دنـه= يقنب بروس النوازي قنبـة الذيبـي
يرخص خروفه ولا يبخل علـى بنـه= ويشكر ويذكر ليا عدوا هل الطيبـي
تريحـن وأمرحـن يومنهـن جنـه= وأنا الهواجيس تسرح بي وتسري بي
راحن بقلبي ولا أدري ويـن ودنـه= أخذت في جوهـن غفـوة وتغييبـي
سجيت معهن علـى فلـمٍ يعرضنـه= عن غيب بعض القرايب والأصاحيبي
ابليس لـولاه كـل النـاس بالجنـة = لاكــن يلعبـنـا راع التلاعيـبـي
يا شين بعض الأوادم لو ضحك سنه= يضحك بوجهي ويشذب في عراقيبي
واللي ليا غبت غوجه للطـرد عنـه= وجّرد سيوفه عطيبـات المضاريبـي
هجرت كـل الـدروب اللـي يمرنـه= أخير لي من مجيه ، عنـه تجنيبـي
ولو ما أقتدي في كتاب الله والسنـه= خليت كلٍ علـى دينـه يصلـي بـي

يا وجهي اللِّي احْرِقْتِه لفحَة الكَنَّه= و باقي الجسد كنّ يلعَبِّه مشاذيبي
كنّ التهامي كسا جسمي و يبرنِّه= ما باقي الا العصب و العظم والشيبي
و الا تحت رحمة اطيورن يلوعنِّه= ما بين عكف المناقر و المخاليبي
سِبّة هواجيسي اللِّي جت لها حَنَّه= تسري مساري و تِتْفنّن بتعذيبي
تتابعن كنّهن رِتلن من الرَّنَّه=لا ورّدت للعَلف من غير ترتيبي
جَنْ يعرضن لي معاناتي و اعادنِّه= مع بعض ربعي و مع بعض الاجانيبي
اللِّي تبَطِّن خلاف اللِّي يورِّنِّه= ناسن "سَلوليّتن"* في السِّر و الغيبي
طريقها مهّده و املاه ابو زنَّه= يومه فتن أمّنا و آدَمْ بتكذيبي
من عقب ماهم سوا في جنّتن غَنَّه=فرقهم ابليس تشريقن و تغريبي
و بعضن من اعيالهم ما خيّبوا ظنِّه= يمشون في خدمته مع كل ترحيبي
لا صِرت معهم يورّوا طِيبْ و امْحَنَّه= و لا غِبت عنهم كلوك ابسطوة النيبي
و مثلي ألاعيبهم ما و الله اغْرنِّه= أعْرِفْ طريقي بلا شكِّن و لا رَيبي
أمشي على سنِّة الله و انعَمِ ابمَنِّه= و لولا تعاليم ديني بان بي عيبي

المشاركة الأصلية كتبت بواسطة رابح الجحدلي (المشاركة 1060002) ¨°o.o ( ×××××××) o.o°¨ صح لسانك مليون على القصيده والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة عبيدالله الحربي (المشاركة 1060015) لله درك رائعه بروعة حضورك المميز دايم ٍ صح لسااانك

المشاركة الأصلية كتبت بواسطة سعد المحمدي (المشاركة 1060026) لشاعر الصييفي صح لسانك وعتلا شانك جزله من راس جزل

المشاركة الأصلية كتبت بواسطة عماد القرافي (المشاركة 1060108) صح السااااااااانك وداام ابداااااااااااااااااعك

المشاركة الأصلية كتبت بواسطة الأنامل الفضية (المشاركة 1060189) صح لسانك اخوي لا عدمنا ابداعك

المشاركة الأصلية كتبت بواسطة الكحيلة (المشاركة 1060199) صحت اللسن قصايد راائعة وشعار كبار

المشاركة الأصلية كتبت بواسطة طلال العمري (المشاركة 1060221) صح لسانك اخوي لا عدمنا ابداعك

المشاركة الأصلية كتبت بواسطة عامر الحربي (المشاركة 1060233) صح السانك وبيض الله وجهك قصيده جزله وشاعرها جزل دمت ودام بداعك تقبل التقدير والاحترام

المشاركة الأصلية كتبت بواسطة الجرح (المشاركة 1060424) لاهنت وصح السانك تقبل التقدير والاحترام وفقك الله

المشاركة الأصلية كتبت بواسطة عبدالرحمن المخلفي (المشاركة 1061018) صح لسانك وبيض الله وجهك قصيده رائعه تقبل مروري

المشاركة الأصلية كتبت بواسطة فهد ابن غانم (المشاركة 1061359) صح الله لسانك ولاهنت وسلم فكرك وبنانك دمت برعاية الله وحفظة

المشاركة الأصلية كتبت بواسطة تركي العماني (المشاركة 1061495) الصيفي ... صح لسانك والله يبيّض وجهك تحياتي وتقديري لك