اشهد انه زاد في راسي عماسي=ابتلشنا بالثقيله والخفيفه
صار بالموضوع شكه والتباسي=السبايب كلها حاجه طفيفه
كان وسط الارض مخزون احتباسي=هزه الزلزال والهزه عنيفه
والتلوث عم في وقتٍ قياسي=والتكاتف زين والنيه نضيفه
مايقوم البيت من دون المراسي=ترتكي له في شتاه وفي خريفه
في قيادة من على الصعبات داسي=دون ربعه ماتناجا مع حليفه
لانخيته مايجي عينه نعاسي=من عرف مسك النصاب اعتز سيفه
والسياسه مالها غير السياسي=يشرح الاوضاع في وسط الصحيفه
والسبايب باغتيال الدبلوماسي=دون داره موتته موته شريفه
والاوامر داخل القصر الرياسي=بين التاريخ تكذيبه وزيفه
والتقدم والتوخر بالكراسي=يعتبر تنظيم من دور المضيفه
الرجاله ماتقدم باللباسي=نعرف الرجال من سابق ارشيفه
وان تعلى صوت لحاس التباسي=همه انه ماتفوته كل ضيفه
لو يزيد الهرج مايهتز راسي=عن كلامه شمت واعيوني كفيفه
ابك انا من روس ربعي وانت ناسي=الحرار اللي على عيطاً منيفه
يذبح المخلاب ماناكل طفاسي=لويموت الحر ما يعتاش جيفه
دون ربعي موقفي موقف حماسي=بالفعول وبالطواريق العفيفه
بالقصيد افهم الفصل الدراسي=واتعدى رايد الفصل وعريفه
واشرح الموضوع والدرس الاساسي=واسرد الافكار في قصه طريفه
يفهمون الناس قصدي واقتباسي=ومن بغى ينضم في فصلي نضيفه
من يهاب الرش ويجيه التماسي=السحايب سيلت وادي حنيفه

[table1="width:95%;"]

[/table1]

---

المشاركة الأصلية كتبت بواسطة شوق نجد (المشاركة 1041188) [table1="width:95%;"]

شا عرنى القدير نا يف بن ميا س صح لسا ك على القصيد ه الرا ئعه والجزله من شا عر جزل وبيض الله وجهك

المشاركة الأصلية كتبت بواسطة رابح الجحدلي (المشاركة 1041240) ¨°o.o ( ×××××××) o.o°¨ صح لسانك مليون على القصيده والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة فهد ابن غانم (المشاركة 1041360) صح الله لسانك ولاهنت وسلم فكرك وبنانك دمت برعاية الله وحفظة

المشاركة الأصلية كتبت بواسطة سعد المحمدي (المشاركة 1041841) الشاعر نايف الفريدي صح لسانك وعتلا شانك

المشاركة الأصلية كتبت بواسطة سالم الفريدي (المشاركة 1041962) صح لسانك .. .. أسجل اعجابي بالقصيدة .. ويعطيك العافيه ..

المشاركة الأصلية كتبت بواسطة القناصه (المشاركة 1041963) صح لسانك ملايين يالفريدي قصيده جزله من جزل بيض الله وجهك لاهنت اسجل اعجابي ودي وتقديري

المشاركة الأصلية كتبت بواسطة نداء الغيداني (المشاركة 1041973) صح لسانك على هالقصيده القيمه المعبره تحيتي وتقديري بانتظار جديدك

المشاركة الأصلية كتبت بواسطة الجرح (المشاركة 1045637) لاهنت وصح السانك تقبل التقدير والاحترام وفقك الله

المشاركة الأصلية كتبت بواسطة راعــ(البل)ــي (المشاركة 1052920) ومن قال سالم و غانم صح الله لسانك قصيدة رائعه بحق تحياتي