|
مطارحه شعريه
اخواني واخواتي الشعراء ,
هذه مطارحه شعريه لا تبدأ بأخر حرف من البيت الاخير ولكن باخر كلمه, فكره موب جديده ولكن حلوه واتمنى تعجبكم وتلاقي تفاعل كبير , وياليت المشرفين يشاركون بعد ويعلنون عنها حتي يشارك الاعضاء كلهم.
سلام الله على ملتقى فيه الرياجيل=نجيب العلم والناس من بعدي جلابه لو ان الشعر ينقاس قسناه بالقيل=كثير الربع نطلبه من غير طلاابه اللي بعدي يبدأ بيته او ابياته بكلمة (طلاابه) علي اي بحر وقافيه وموب شرط نفس القافيه والبحر هذا منقول |
يعطيك العافية يا بني سالم، نرجوا تفاعل الجميع، لأن التفاعل هو الهدف:
طلابة الطيب تلقاهم بديرتنا كثيرين= الله يعز البلد و يديم نعمتها علينا يا ديرة العز جعل النو يسقي كل شبرين= من ارضك الواسعة حيثك لخير الله مينا إبدأ بكلمة مينا (ميناء) |
يعطيكم العافيه
ميناء جده الاسلامي مركز التحاميل=صار مصدر تجاري للبلد للبلد ليت عندي تجاره واجني المحاصيل=كان جاتني بضاعه والوريث الولد (الولد) |
هلا بالجميع
الولد والجماعه راحو اطماعه=بين يومأ وليله بانت النيه مابقي فالناس خيرأ لاولا طاعه=كل واحد يجيب العلم بالسيه السيه |
بالسية يجازون حسناتنا اليوم= يا كيف نجني من تعب زرعنا شوك؟ و بكرة تبي تقزي عيون(ن) من النوم= و ان عودوا للباب يلقوه مصكوك مصكوك |
اقتباس:
مصكوك عنك الباب ياكاسر القن = رخو العزيمه فمالواقيف يحقن تعجز طيور البوم للوكر يرقن = والطيب يبقى طيب مثل الجنيهات جات على هذا الطرق وسامحونا ( الجنيهات ) تحياتي أخوكم / محمد الجحدلي |
الجنيهات الى كثرت بجيب البخيل=ما تزيده كرم، لكن تزيده بخل يلهث بليله و يومه لجمع الحصيل= و لو فقد بعضها ينبت براسه نخل ((نخل)) |
0 0 0 الله الله 0 0 0
نخل بيشه مصّيف بالرطب والخلاص = مالقي من يجده مالقي منهو يرقى 0عزوتي تحسم الموقف بضرب الرصاص = لو تهب الذواري من شمالٍ وشرقى 0 0 الكلمة ( شرقى ) 0 0 0 تحيتي |
شرقى ولا غربي وشمال وجنوبي=لاهبت النسمه نشوف من ضاوي يازين البوادي لا هب الهبوبي=والارض ممطوره والسيل النحاوي النحاوي |
0 0 0 الله الله 0 0 0
النحاوي صارت مرابع ربوعي = تعد الحدودي بوساع النحايا 0هيبه فالقبايل لنا امر طوعي = من قدم الزماني انقود السرايا 0 0 السرايا 0 0 0 تحيتي |
السرايا في مصر قصر و حديقة= و انت يالساري تكلم بالحروبي شوفهم في صور ماحد(ن) لحق ريقه= نحمد الله ما نبي فال الجنوبي |
الجنوبي هز طوله يوم شاف العلم زاين=قام ينطق بالشهاده والشهاده اخذلتبه مير جاه العلم يوم العلم بالقرأن بأين=وش نسوي بالرجال اللي هالدنيا طرتبه |
الشعار الكرام صح السنكم وبيض الله وجيهكم تحياتي |
اخوي الصـ الجارح ـقر، يعطيك العافية، و رغم ان "طرتبه" معناها مهوب واضح لي، إلا أنني سأولها حسب فهمي لها: " طارت به"
طارت به الدنيا على غير يمّه= و من يتبع الدنيا تجره لحتفه في دربها يزيد همه و غمّه= زود(ن) على كَتْبَ المَلَكْ فوق كتفه |
~*¤ô§ô¤*~*¤ô§ô¤*~صح لساااااااانك~*¤ô§ô¤*~*¤ô§ô¤*~
|
الله الله على الابداع صح الله السنتكم جميع وبيض الله وجيهكم لله دركم تقبلوا تحياتي وتقديري ودمت بالف خير |
صح السنكم وعساكم على القوه بيض الله وجيهكم تحياتي وتقديري عاشق بريده |
اول محاوره بهذ المنتدى
|
الساعة الآن 07:34 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir