|
ربعي ياحرب انخاكم ثم انخاكم
السلام عليكم ورحمة الله وبركاته
ياربعي لي سنتين وانا مفصول اطارد ورى حقي مافي فايده ولاه اني عانيت معاناه لايعلمها الا الله اتمنا تصل الرساله للي يقدر يفيدوني انا كنت طالب (ولبس عسكري) بالقوات البحريه المهم غلقت دورة الفرد الاساسي بجده بتقدير (جيد جداً) المهم بديت بدورة التخصص بالجبيل ومن ثاني يوم مرضت وحولوني للمستشفى المهم كشف الدكتور علي وشخص حالتي (ربو ناتج عن التمارين) وبناء على التشخيص قرر اللجنه الطبيه بعدم لياقتي للغوص والقوات الخاصه والخدمه العسكريه وهذا اللي صار ياربعي مع العلم انا اللي كان بي انفلونزا موسميه حاده وارتفاع بالحراره(زكمه)
1- قدمت بالقطاعات العسكريه الاخرى واخرها الدفاع المدني ويتم رفض بحجة اني كنت طالب بحري حيث يرسلون خطاب للاحوال المدنيه والاحوال ترد بخطاب كان طالب بحري مع العلم اني اجتاز جميع مراحل القبول ومن ضمنها الكشف الطبي 2-قائد التجنيد قال لي ماتقدر ترجع أو توظف بقطاع عسكري الا باستثناء من أمير 3-الدكتور اللي قرر فصلي هو نفسه اللي كشف علي بالبدايه يوم اني قدمت 4-قدمت معروض الى قائد البحريه وقتها كان صاحب سمو وامر بارجاعي لكن التجنيد لم يوافق قلت لهم الامير وافق قال لي هذا الاوامر من فوق من وزارة الدفاع والطيران 5-قدمت 4معاريض للامير سلطان وزير الدفاع اللي تحته مايصلونها له 6-جيت بقدم معروض للامير عبد العزيز بن ماجد اللي تحته ردوني قالوا أمر منه أي عسكري يرجع لمرجعه 7-قدمت معروض لديوان المظالم وحددوا وقت للجلسه وجاء مندوب من البحريه وحكم الشيخ بعدم اختصاص 8-يوم كنت بالفرد الاساسي كانوا يستلمونا مدربين القوات الخاصه وكنا هرول يومياً اقل شي 5 كيلو واول يوم بالتخصص اجتزت اختبار 8 كيلو ب25 دقيقه من 30 دقيقه 9-يوم تم فصلي عطوني خطاب للاحوال المدنيه لتعديل المهنه لمتسبب 10-شهادتي الثانويه (71%) وعمري (24) والعمر روح http://www.youtube.com/watch?v=wdWjV...eature=related للشاعر جايز جزاء الحربي
|
¨°o.O ( حياك الله اخوي المحمدي بين ربعك) O.o°¨
بالنسبه لموضوعك انشاء الله نستطيع افادتك بقدر المستطاع ولن نبخل عليك والله يوفقك ويرزقك |
الله يبارك فيك ياخوي رابح الجحدلي
|
هذا الوقت اللي يبين الرجال على معدنه,,, اناشد جميع الرتب والقيادات العسكريه من قبيلة حــرب والشيوخ والذي لهم يد مع الدوله وشيوخ قبيلة حرب فيهم خير وبركه وفزعه,,
من ناحيتي اقولك انص الشيخ محمد الفرم او الشيخ حجاب بن نحيت وابن ناحل فتاريخهم يشهدلهم بالفزعات اول وتالي ولا يهونون بقية الشيوخ لاكن الكلام الصحيح ماينزعل منه ووفقك الله لكل خير |
ربعي ياحرب انخاكم ثم انخاكم 8 8 8 8 مابعده والله كلام وأظم صوتي لصوتك وصوت شاعرك |
الله يسر أمورك ولاتدري ايش الخيرة فيه وانا خوك ..
دعواتي الصادقة للكـ |
7-قدمت معروض لديوان المظالم وحددوا وقت للجلسه وجاء مندوب من البحريه وحكم الشيخ بعدم اختصاص
والله المهزلة .. ضياع وقت وبعدين عدم تخصص يابن عمي بالبداية أبيك تركز على موضوع واحد وهو ارجاعك للبحرية إذا أنت ترغب في ذلك لأنه من الظلم ضياع شئ من عمرك سدا يعني اللي يبي يمشي معك يمشي على جهة واحدة وبعدين إذا الله يسرلك وتوظفت احفظ أوراقك ولاتترك حقك لأنه لو لهم حق عندك طلعوه من عيزنك والله ييسرلك اللي فيه خير ومن يقف في صفك من حرب وألا من غيرها وحرب أهل الحميا والمهمااااااااااات |
الاخ ... محمدي مظلوم الله ييسر لك امورك وترجع للبحريه ... او تسجل بغيرها وهالمشاكل كثيرة والله ومهو انت اول واحد يصير له ماصار عموما اخوي الله يكون بعونك ويسهل لك كل امر وابشر بعزك ... حرب ماتقصر مع الاجنبي مهو واحد من عيالها |
محمدي ابن العم وصلتك رساله على الخاص اقراءها لو تكرمت |
اقتباس:
|
4-قدمت معروض الى قائد البحريه وقتها كان صاحب سمو وامر بارجاعي لكن التجنيد لم يوافق قلت لهم الامير وافق قال لي هذا الاوامر من فوق من وزارة الدفاع والطيران
حسبي الله عليهم وان شاء الله تجد من يفيدك ويساعدك واتمنى لك وللجميع التوفيق |
اخوي المحمدي
الرزق ماوقف على البحريه سوف تجد افضل منها بحكم انك مقتدر ويجب ان تدعو الله ان يخلف لك خير منها وحرب اهل الفزعه ويسخرون الصعيبه اتمنى من الله ان ترجع لك حقوقك |
اخي العزيز محمدي مظلوم
سلمه الله توجه لله سبحانه وتعالي واطلبه الفزعه وان ينصرك ويرزقك من حيث لاتحتسب ثم واظب على صلاة الفجر جماعه واطلب الله بالحاح ثم توجه لاحد شيوخ القبيله او لااحد الامراء من ال سعود وكن قويا بالله سبحانه وبايمانك التام به وانه هو الرزاق وهو النصير والعون ولاتعتمد الا عليه ومن ثم ابذل الاسباب وستجد الكل يخدمك وسيصخر الله البشر لخدمتك ولاتخشى احدا سواء الله سبحانه ولاتسأل الا هو جلا في علاه وسترى ان شاءالله الخير وفقك الله وانار طريقك وبصيرتك تحيتي وتقديري |
الله يعوضك خير مافقد منك والبحرية وظيفة مقيدة على الحدود وذهابها قد يكون خيرلك
الاستغفار يفرج الكربات وان شاء الله ابناء حرب ينفعونك |
السلام عليكم هلا يابن العم
عسى الله يوفقك باللي يحبه يرضاه يمكن سبب تقديمك للدفاع المدني وارسالهم خطاب للاحوال المدنيه او اتيت برنت لهم وجدوا انك عسكري بالبحريه يمكن واقول يمكن لم تعدل مهنتك من عسكري إلى متسبب أرجوك ان تشوف هذا الأمر وانا لو بيدي شئ كان فزعتلك يابن عمي لكن اعذرني |
اقتباس:
وبالفعل مهنتي الحاليه متسبب |
اقتباس:
هل أنت متأكد من الكلام هذا بنفسك قدمت بالقطاعات العسكريه الاخرى واخرها الدفاع المدني ويتم رفض بحجة اني كنت طالب بحري حيث يرسلون خطاب للاحوال المدنيه والاحوال ترد بخطاب كان طالب بحري يعني حسب كلامك لازلت طالب بحري بالاحوال أرجوا ان تتأكد وعسى الله يوفقك |
الله الله متوكد
|
الله يعينك ويرزقك ويوفقك
وأنت أنصى الرجال المعروفين أهل الفزعات من حرب أنا أذكر لك ماذكر الاخ نايف الصاعدي وأضيف أيضاَ الشيخ الحميدي بن بتلاء تراه رجال سمعته معروفة وأنت أول وتالي أدع ربك سبحانه وماهو بترك. |
الساعة الآن 09:01 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir
