|
1606 في جنبها مخراج اللرجل مفتوح محلول حله ابوناصر الحربي صح لسانه
السلام عليكم ورحمة الله وبركاته: وبعد
إليكم هاللغز للشاعر سويلم بن مسعد المزيني الحربي: يقول فيه,
أنشدك عن عذراء زهت لون مملوح = تنقل لها رجال سره يبيني في جنبها مخراج للرجل مفتوح = ترضابها الجهال والعاقليني زيادة توضيح: الرجل الأول: في البيت الأول: { غير } الرجل الثاني: في البيت الثاني |
صح لسانك يابوفهد ولسان ابوسعود
الله يعطيكم العافيه ماشا الله تبارك الرحمن جاري التفكير يابوفهد |
اقتباس:
بنتضارك يالغالي: |
صح لسانك ولسان الشاعر
جاري البحث |
اقتباس:
صح بدنك يالنهر وبيض الله وجهك وحنا بنتضارك والرمعة القاضية |
رمعه يابو فهد
ميداليه المفاتيح |
وش رايك يابوفهد بالروزنامه حقت التقويم
|
اقتباس:
أخي العزيز النهر مالك لوى ماهي المدالية زيادة توضيح: الرجل الأول: في البيت الأول: { غير } الرجل الثاني: في البيت الثاني |
اقتباس:
زيادة توضيح: الرجل الأول: في البيت الأول: { غير } الرجل الثاني: في البيت الثاني |
جاري التفكير يابوفهد
|
صح لسانك يابوفهد
وماقصرت على التوظيح ولنا عودة تحيتي |
اقتباس:
|
اقتباس:
صح بدنك ياعلي الزهراني شكرا على مرورك الكريم |
صح لسان الشاعر سويلم وبيض الله وجهك يابوفهد
وش تقول في الكعبه المشرفه وتشيل الحجر الأسود وفتحته على شكل سر وفي جنبها الباب الواضح والمعروف بين الحجر الاسود وحجر اسماعيل عليه السلام |
اقتباس:
الاخ العزيز الفاضل وجودك يكفي: أولاً الحمد لله على السلامة والعودة بعد هذا الأنقطاع الذي لوكان قصيراً فأنا أعتبره طويلا لقد إشتقنا لك ولمشاركاتك الجميله, فاقول أهلاً ومرحباًبك: ثانياً الرمعة مالك لوى |
الله يسلمك يابوفهد وهذا من طيبك وطيب أصلك ولآهنت يالوافي
وش تقول في علبة العصير والرجل الاول العصير والرجل الثاني المزاز(الشفاط) |
اقتباس:
مساء الخير والسرور: ياوجدوك يكفي. والله رمعة رائعة جداً ولاهي بعيد عن الهدف: الرمعة مالك لوى: دور قريب لاتروح بعيد |
وشرايك في الولاعه أو اسطوانة الغاز
|
اقتباس:
حياك الله ياوجودك يكفي مالك لوى في كل الرمعتين |
اقتباس:
ونقول كرة القدم وممكن كفر السيارة |
اقتباس:
صح بدنك يالكحيلة ولالك لوى في كل الرمعتين |
ابو فهد يمكن تكون الشيشه
|
اقتباس:
الاخ العزيز بوتركي مساء الخير والسرور: مالك لوى ماهي الشيشة: أما الرمعة ممتازة جداً جداً بس الشيشة ماكلن يرضاها: أما هالعذراء يقول الاخ سويلم: ترضابها الجهال والعاقليني |
ابوفهد
لاهنت على اللغز الجزل وياريت تعدل العنوان لان فيه خطا وجاري التفكير |
حياك الله ياوجه الأسد بيض الله وجهك بنتضارك يالغالي:
|
وشرايك يابوفهد
بالقرعه تحيتي لشخصك الكريم |
الاخ العزيز علي الزهراني, أكرمك الله بطاعته: مالك لوى يالغالي
|
صح لسانك
عندي رمعتين بيت الجنبيه او شنطة اللاب |
اقتباس:
صح بدنك يالقناصه ولا لك لوى بالرمعتين تحياتي وتقديري لشخصك الكريم |
ابو فهد الاستبنه بالعاميه يسمونها كفره واعتقد ان اللي تنقله وسره يبين الستك
والرجل الثاني الجنط |
اقتباس:
الاخ العزيز ابوتركي عزك الله بطاعته : العذراء هذي أقرب من ألاستبنه هذي موجدة في البيت أو بالاستراحه. أظني بينتها يابوتركي. |
رمعه الارقيله
|
اقتباس:
أهلاً ومرحباً يالقناصه: المعذرة والله مافهمت الرمعة ولا أدري وش تعني |
نعدل الرمعه ونقول الاسطوانه او الربابه
|
اقتباس:
وأشوف إنها رمعة طيبة وننتظر إجابتك عليها ابوفهد |
اقتباس:
أهلاً يالقناصه بعد توضيح / الاخ كعام العايل للرمعة الاولى: نقول مالك لوى في جميع الرمعات |
اقتباس:
الاخ العزيز كعام العايل مشكور على هالمعلومة أول مرة أسمع الاسم هذا: والأني قد قمت بتقريب اللغز في ردي على رمعة سابقة: لابد من التقريب: هذي موجدة في البيت أو بالاستراحه. أظني بينتها . |
السلام عليكم ورحمة الله وبركاته صح السانك ولسان ابو سعود وشرايك بالنبه والرجل الأول النور والثاني الفيز
|
وش رايك بالتاير(كفرت السيارة)واللستك والبلف حق الهواء
|
اقتباس:
وعليكم السلام ورحمة الله وبركاته: يالحميدي الحربي وأسعد الله صباحك بالخير والسرور, صح بدنك بيض الله وجهك: رمعة ممتازة ولكن اللغز سلم منها: خيرها بغيرها يالغالي |
الساعة الآن 12:14 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir