1587 رجلن بالمكان المخيفي محلول(الترباس والطلقه)حله العقيد صح لسانه
 

السلام عليكم ورحمة الله وبركاته: هذا اللغز للشاعر
سويلم بن مسعد الصبيحي المزيني الحربي: يقول فيه

صح السانك يابو فهد
والله يمسيك بالخير انت والربع
وابا اقول وش رايك في الكارونه والبنيون
والا المحاله والرشا

الاخ العزيز ابو هليل أسعد الله جميع أوقاتك بالخير والسرور. ولك مني ومن الشاعر سويلم جزيل الشكر ومزيد ألاحترام ,وهذا قليل بحقك على ماتقوم به من الدعم المعنوي والتشجيع المستمر: لجميع أعضاء ومحبي هذا الموروث الشعبي العريق,, وتقبل تحياتي

الاخ العزيز, مهجرس الحرف أسعدك الله في الدنيا والآخرة: وصح بدنك وبيض الله وجهك:



ولالك لوى في كل الرمعات

ياهلا يابو هليل انت لازم أتقاضا منك عقب لغزك الي مخليني أبحث بالقرآن ومهات الكتب لين داخ راسي:

ماقلت لي انه في آخر سورة لقمان,


على كل حال الرمعه مالك لوى

الاخ العزيز ابو سبيل أسعد الله أيامك ولياليك وصح بد نك, وتعود في الوقت القريب والحل معك:

صح السانك
ونقول السير والبنت المروحة

صح بدنك الكحيلة ولالك لوى

صح السانك

ونقول
النادوس لسلاح والبنت العقرب

أسعد الله مساك يالكحيلة وصح بدنك والرمعه مالك لوى:

الاالعزيز بن عاتق أسعد الله أيامك ولياليك بالصحة والعافية والسرور, الرمعه مالك لوى ماهو القلب ولا النفس




لوتأملت آخر البيت ألاخير كان ممكن تاصل إلى نتجة

وتقبل تحياتي

الاخ ابو فهد صح السانك على اللغز الجميل
وعندي رمعه ويش رايك (السلف والبنتين البطاريه والمكينه)

الاخ الندااوي أسعد الله جميع أوقاتك بالخير والسرور وصح بدنك,


الرمعه مالك لوى

أهلاً يابو خالد أسعدني مرورك أسعدك الله في الدنيا والآخره,
وصح بدنك وسلمت يمناك لاعدمناك:
أما هالغز صدقت كله تلتله,


يتلها وتتله × ويبغا واحد يحله

أهلاً يابو ناصر حياك الله , والرمعه مالك لوى

الاخ العزيز ابو ناصر الحربي أشكرك على محا ولا تك: والرمعه مالك لوى

أهلاً يابو هليل أسعدك الله في الدنيا والآخرة الرمعه على الاتجاه الصحيح ولكن بعيد اشوي, ومن سار على الطريق وصل

الاخ ابو فهد صح لسانك وصح لسانك
ابو سعود اذا الغز ماحل ابو سعود يجينا بالاستراحه
يوم الاربعاء وبغى اشتريه منه
لو بالدراهم لكن ابو هليل دايم اشوفه يحوفه تقل ذيب
الظاهر انه رايح يسدحه
تحياتي وتقديري

ابوتركي أسعد الله جميع اوقاتك بالخير والسرور وصح بدنك: أما من طرف اللغز فقد غيرنا فيه وعدلنا وبدلنا ولا عاد يعرفه ابوسعود, ولكم تحياتي

الاخ ابوهليل أسعد الله جميع أوقاتك والرمعه مالك لوى

أبو فهد

صح لسانك على اللغز الثمين


الاتصال عندي بطيء جداً ولذلك ماتابعت الرمعات كلها


وش رايك بالسير والمروحه ؟ .

الاخ عبد العزيز المخلفي صح بدنك بيض الله وجهك:الاتصال ضعيف جداً ولايساعد:
الرمعه مالك لوى يالغالي:

ولكن دقق في الشطر الاخير عند تله ذكية

وش رايك بالفشق داخل بطن البندق والابره

الاخ العزيز الفاضل, العقيـــــد؛ حياك الله وأسعدك الله في الدنيا ولآخرة: شرفتنا في مرورك:

:076:
أمامن طرف الرمعه: فأنت جبت نصف الحل:
وبهذا تكون الاجابه صحيحة:

بقي توضيح للغز

البنت الطلقة ـ والرجال الترباس

البنت تتله ورى. والترباس يتلها بالراء: وهذا هو معنى تله ذكية