ويش عذره اللي جرحني جرح=وعرض حياتي لمهالكها
من بعد قلبي غداله صرح =وكل الأحاسيس يملكها

يستاذ بسط لنا فالشرح=ورمز المشاعر يحركها
حسبت مابين جمع وطرح=وروحك من الود شابكها

واقلبي اللي يبا دكتور=مايعرف المشرط الجارح
طبه فرمش وثمان يدور =واقلبي اللي غدا قارح

ماباس يالشاعر المشهور=ياللي فسلم الهوا سارح
ربي وهبلك شبيه الحور=لا تبدل الحلو بالمالح

سعد الزويهري=
في بحر مجهوله العايم=غطاس عليه ماريه
عكر صفا جوي الغايم=من لدته بالنظر ليه
فواز الزويهري=
مجهول من يتبعه هايم =لو كان فبحور مرعيه
خليك ياصاحبي صايم=يكفيك من لدته نيه
سعد الزويهري=
الله يابو محسن الدايم=يلطف بها أرواح مبليه
ومن يخلف القصد له لايم=والحسنه ماهي كما السيه
فواز الزويهري =
ماني عن اللي كتب نايم=جاتك موازين موفيه
وإن كنت وسط البلد سايم=عملتك لا تكون ربيه
سعد الزويهري =
كلي معه جالس وقايم =والروحه ماهي كما الجيه
يامطيب الوصل لملايم =والطيبه دوم مشريه
فواز الزويهري=
مالك بها ياولد زايم=دروب الأجواد ممشيه
هذي جناحيك يالرايم =ياصقر ما شفت أنا زيه

الغالين :
سعيد / فواز
صحت ا لسانتكم على
الابداع ×ابداع
لايستغرب عليكم الابداع
لنا في هذا المتصفح ..
روعة في الكلمات ..
يعطيكم العافية ع الطرح المميز ..
ماننحرم من ابداعكم ..
أخوكم/ابن عباس
دمتم بخير .. وتقبل مروري00