|
رأس تنوره؟؟؟
http://sub3.rofof.com/img4/01hnspr27.jpg
يالله عسى المزنه اللي هل ماطرها=تسق الحسا والجبيل ورأس تنوره من شان عين بذيك الدار خابرها=ياعلها من عذاب النار ماجوره اللي على شانها ومن شان خاطرها= صغت القصائد تجسّد للغلا صوره لاتلومني يانداء يوم اتذكرها=وان صحت لاتقول عيسى فاقد اشعوره بالفكر آعد المسافه واتصورها=وجر لي ونة بالصدر محشوره احداث من واقعي ماني مفسرها=قصة غلا خلها بالقلب مستوره طواري بالحشا ماني بحاصرها=وافكار تلعب بقلبي لعبة الكوره عجزت ياخوي اجمّعها واكسّرها=حطيت لي في محيط الراس سبوره اقدار ياصاحبي ربي مقدرها=والنفس لاشك منهيه وماموره ادعي لها الله يوفقها ويسترها=حيث انها النادره بالخير مذكوره عيسى العوفي= |
اقتباس:
صح لسانك اخوي عيسى وقصيدة رائعة بروعة حضورك |
صح السانك قصيدة جزلة
من شاعر متمكن |
احداث من واقعـي مانـي مفسرهـا
قصة غـلا خلهـا بالقلـب مستـوره صح لسانك وافيه من راس وافي |
احداث من واقعـي مانـي مفسرهـا
قصة غـلا خلهـا بالقلـب مستـوره وهناك من جعل من قصصه منشورة عيسى العوفي .. صح لسانك قصيدة عانقت سحب الحنين وذهبت معها للوراء تمشي قدما ومرت على كل شئ جميل هناك آمنت بالقدر أخوي عيسى ورضيت بالمقسوم فلم تملك إلا عجزت ياخـوي اجمّعهـا واكسّرهـا حطيت لي في محيط الـراس سبـوره داوم على ذك أخوي عيسى .. كي تخرج لنا مثل هذه الرائعة وأروع دمت على النقاء . . . ولاهنت |
صح الله لسانك ولاهنت وسلم فكرك وبنانك دمت برعاية الله وحفظة |
صح لسانك
شاعر جزل لك تقديري |
الشاعر القدير
والاخ العزيز عيسى العوفي صح لساااانك على هذه الرائعه التي احتوت على كل الابداع ولاهو غريب عليك التميز والابداع ياعيسى دائماً ونحن متاااابعين لماتكتب دمت بألف خير |
اخوووي عيسى العوفي
الله يبيض وجهك على القصيده الجزله دائماً لاتأتي إلابالجزل |
الاخ عيسى العوفي صح لسانك على القصيدة الرائعة بيض الله وجهك
|
صح لسانك على هالقصيده الجميله العذبه المعبره
ولا اقول الا هذه الابيات:
يالله ياوامر المزنه وصاخرها=تامر مطرها على دارٍن لاخو نوره والريح يامسيّر الارياح تامرها=تهب شرقية(ن)بالخيرمعموره وليا تساوت على بنبان تقهرها=وتهل ماها على بنبان وقصوره ولسيّل الاوديه والارض غامرها=والناس تفرح وتاخذ للمطرصوره تسوقها للقطيف وما مجاورها=وتصب ماها عليهم صب ماصوره من شان محبوب عيسى مايغادرها=والارض تشبع بها بقْراته وثوره ويرتاح عيسى مع احباب(ن)يقدرها=وتربع ديار نور العين ويزوره محبوبتك ياوسيع المعرفه زرها=الادمي لازم يعبر عن شعوره وانا مالومك لو ان الحال تدمرها=مادام روحك بحب الزين مأسوره هذا الهوى يقمر الانفس ويسحرها= كم حالة(ن) من سوايا الحب مدموره |
الشاعر القدير عيسى العوفي
سلمه الله في الحقيقه قصيده رائعه رائعه لاابعد الحدود حسن استهلال وتسلسل فكره وتصوير بديع استطعنا ان نعايشك احساسك ونتلمس معاناتات وايمائة بالاسناد لشاعرنا القدير نداء ومن ثم حسن ختام ليأتي الرد من شاعرنا القدير نداء الغيداني رائعا رائع كعادته وان كان تجلى به الميانه الاخويه بينكما وابطن معاني رائعة بالماحة فنيه اتقن حبكتها وان كانت لاتفوت على القاري الفطن !! بالنسبة لي فقد رسمت ابتسامة عريضه ودهشة واستطراد لما بعد ثم غبطة اخويه للاخويه الضاهره هنا وكم يشدني مثل هذا الاسلوب صوتُ وصدى موجز تخلص من كلاسيكية المساجلات المعتاده لاعدمناكم شعراء مبدعين ومليون صحت الالسن تحيتي وتقديري |
الشاعر القدير/ عيسى العوفي
صح لسانك على هذه القصيدة الجزلة و الجزالة لاتستغرب من اهلها و صح لسان الشاعر الكبير/ نــداء الغيداني على هذا الرد. |
صح السانك قصيدة جزلة
من شاعر متمكن التوقيع |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
صح لسانك اخوي
لا عدمنا ابداعك |
السلام عليكم ورحمة الله وبركاته سلمت ودمت أخوي الشاعر عيسى العوفي على القصيدة . . . جزله ورائعه وصح لسانك أخوك ابوساره |
الساعة الآن 12:31 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir