جتكم ياأهل وضح المزاين مغيضات =تلوح باأيمنها علامة خطرها
تلوح بيمنها على الفخذ بالذات =علامة من شافها ماحقرها
علامة يوم السنين القديمات=من هيبة أهلها ماتقرب ديرها
منقية عليان كفو المهمات=يومٍ كلٍ قدرته ماذخرها
وتجمعة ذيدان صلفين الاصوات=وقامت على البيداء تعاقب جررها
كلٍ يقول أنا زبون المهمات=بالساعه الي مايكذب خبرها
إلخوض معركة اللقب مستعدات=وضحٍ ماأحد يمديه ينسى سيرها
يشوش راعيها ليا منها جاءت=تمشي وترفع رؤسها من سطرها
في خلقها عبره وفي زينها آيات =سبحان خالقها مجمل صورها
رثم العرانين الطوال السهيفات=تبي تفوز إن كان ربي ومرها
الروؤس ماشاء الله مراكي بشاوات=تفحى لواحيها شبر من شبرها
هاماتها متساويه كالمطارات=من الأذاني لامحاجر نظرها
وخشومها عكفٍ تقل نافعيات=الله يكافيها العيون وقشرها
وأرقابها مثل السيوف الرهيفات=أقل من شعر الذيابه وبرها
وظهورها مثل الجبال المنيفات=مايلحق نسنوسها من ظهرها
في عرضها ترفع رصيد القنوات =لو هي بيد راع القناه إحتكرها
إليا اعرضت جمهورها يحرق الشات=كلٍ يقول رسالته ماخسرها
عفرٍ بزينات الطبايع غريبات=تتبع على توديه أهلها عفرها
الكنق يسوى حجم وزنه جنيهات= كم راعي إبلٍ قيمته ماقدرها
محطم بزينه رقوم القياسات=عشاقة الزمل الثمينه قهرها
أنا أشهد إنه من خيار السلالات=من حط مثله وسط ذوده عمرها
البل عطايا الله سفن فايتٍ فات=قبل السفن ترسي بميناء بحرها
ضرب بها الامثال رب السموات=في محكم الآيات ربي ذكرها
جتكم يأهل الوضح المزاين مغيضات=وضحٍ منافسها لايأمن خطرها
جتكم ياأهل وضح المزاين مغيضات =تلوح باأيمنها علامة خطرها

من موجز النشره سمعنا نبأ هام= يفطر به اللي خمسة أعوام صايم
يومٍ يذكرنا قبل خمسة أعوام =يوم الحروب يحذفون العمايم
لوضحٍ خذت مع وسمها الفاحج وسام=وسمٍ ينومس حرب والحظ قايم
تقدمت لين إفهقت كل الأرقام=عامين تكتب لخصماها الهزايم
وضحٍ على رد البراء تضرم إضرام=إضرام راعيها لكسب الغنايم
يندب لها عليان قدام قدام=شيخٍ معودنا على الفوز دايم
فعل الطهيمي للمهمات طهام=قول وفعل يسلم قوي العزايم
ليا جاء جاله قيل له سبعة انعام=فعله يخلي نافر الحق رايم
واللي يذمه ماكسب غير الآثام=يالله دخيلك من كلام الضلايم
وهزل الكلام اللي بلا ملح وإيدام=ومدايحٍ في غير أهلها جرايم
والناس لو حججتها فوق الاقدام=مع جاحد المعروف مالك قدايم
يحكم عليك بغيبتك حكم الاعدام=وبحضرتك لإعداك يصرف شتايم

[table1="width:95%;"]