حشمه لأهل المقدريه والقلوب المستصحه=مرحبا وأهلا وسهلا عد ماناجا المناجي
نادوا الدكتور ولا يجي ألا معه وزير صحه=لامتى كل من بغاله علاج يتعبه العلاجي

مرحبا بك يا طلال تحيتن ما هي مِشَحّه= يا رفيقن بالملاعب دايمن طلق الحجاجي
صاحبك ما هو طبيب، و حاجتك ما هي ملحّه= وكان ما تبغى التعب شغِّل ريالك بالحراجي

للبقا يامن عرفنا اليوم عن جودة وشحه=ياصديقٍ بالسوالف مثل سعدون العواجي
الطبيب أنا الطبيب وحاجتك جوف المصحه=كان مقصدك إتريح خل عينك بالسراجي

مرحبا بك وان عرفت فحط وسط الجوف جحّه= جحتن صيفي و زبد الهرج ما هو باللجاجي
و يا طبيب ان كان لك في الطب معرفتن و زحّه= لا تريّح بس لا تحسبك ساكن وسط عاجي

الدمرجيه كما الحيه لها صوتٍ تفحه=الرجاوي من فحيح السام ماأيس وانت راجي
لالقوا معضول قالوا: قول آهـ. ومعك كحه=والليال مواتيه مطلوب حصر الاحتياجي

الأخ طلال المعبدي

بيض الله وجهك يالغالي

والدكتور ماني خابر غير الصييفي اما ابوخالد الفريدي كفو ونعم به وبالجميع

يستاهل لكن احترنا بالمقصود عشان المحاوره تستمر

وملاحظه انا بصف راع العلياء والصييفي بالنسبه للبيت الثاني طيعنا وعيد النظر

ولك اجمل التحايا

ودمت ودام ابداعك

يا طلال احرص لياك يجيك في البلعوم بحّه= و الرجاوي و الدمرجي بينك و بينه سياجي
و قافيتنا ذي تراها بيضتن من غير محّه= و بيضتن من غير محّه ما يجي منها دجاجي