|
(1474)إن كان به جمهور للغز جبنا محلول(التعصب القبلي)من ملك الحلول صح لسانه
السلام عليكم ورحمة الله وبركاته استلموا هالغز واتمنى ان يحوز على رضاكم
إن كان به جمهور للغز جبنا=نروي ضما العشاق والله كريمي وإن روح الجمهور وش له تعبنا=الراحه نصف القوت قولٍ قديمي انشدك عن عودٍ شبابه نكبنا =وسط البلد لازال عنتر يقيمي ولع فتيل النار واوقد حطبنا=والنار تالع من دقاق الهشيمي لولاه وقت اليوم محدن غلبنا =معروف للعقال والي فهيمي |
صح لسانك صح لسانك يالأسطوره وبيض الله وجهك على اللغز الوافي والجزل وعادتك الجزاله
وش تقول في النفط ومشتقاته أو الإرهاب والتفجير والفكر الضال |
صح السانك
ونقول الجهل. |
اقتباس:
وش رايك في الحسد والا ابليس اعاذنا الله منه ابليس لولاه كل الناس بالجنه =لكنه يلعبنا راع ال الاعيبي |
ابو هليل. صباح الخير والسرور وبيض الله وجهك وصح لسانك .
وش رايك/ بالتقليد وما يسمى بالموضـة / و شكراً على هذا اللغز الرائع |
اقتباس:
صح لسانك يابوهليل على الغز الرائع جداَ من ناحية مبناه واكيد معناه ونقول فعلا ابليس لولاه كل الناس بالجنه |
صح لسانك يا بوهليل لغز فائق بس كثزوا الرمعات وابا انتظر ردك
|
اقتباس:
وصح بدنك الرمعات مالك لوا طال عمرك |
اقتباس:
الرمعه مالك لوا |
اقتباس:
والجزاله تكتمل بتواجدك الرمعتين مالك لوا طال عمرك |
اقتباس:
وشاكر لك تواجدك في ملتقى الالغاز اسعدتنا بتواجدك ومشاركاتك الرايعه الرمعه يابو فهد مالك لوا طال عمرك |
اقتباس:
الرمعه مالك لوا الله يطول عمرك |
اقتباس:
والغز لازال سليم |
صح لسانك يابو هليل ويش رايك الغلا------------او الغش ----او------ الفساد المالي
|
اقتباس:
الرمعات مالك لوا |
رمعة ومثل ميقولون مدحدره
سوق المال ( البوصة ) وبعدين ((( الراح ))) لي تحفظ شديد عليها |
اقتباس:
ولراحه نصف القوت بس صارت مذكر عند ابوهليل تم التعديل |
ابو هليل لاهنت على اللغز الجزل والرمعه وش رايك في نظام الدوله
|
صح السانك وبيض الله وجهك جاري التفكير
|
اقتباس:
الله يهاديك لاتنكبنا مع الدوله الرمعه مالك لوا |
اقتباس:
الله يعطيك العافيه |
مشكور يالغالي ابوهليل وانا والله مبطي ما شاركت في اي رمعة بس أسميها ( جس نبض )
(( سلم الرواتب ))) |
وش رايك في التزمت(التعصب الديني وماخلفه من ارهاب)
|
ابو هليل يمكن الغلا تراه نكبه من النكبات
|
اقتباس:
حاول مره ثانيه ممكن تجيبه وسلم الرواتب يبغاله دفعه للامام شوي الله يعين يامتعب الصبرجميل |
اقتباس:
|
اقتباس:
الله يعين يابو تركي لاكن كرمعه للغز مالك لوا |
وش تقول في التعصب القبلي
انشدك عن عود شبابه نكبنا<< العود هو التعصب القبلي وفي شبابه وبدايته عندما كانت المعارك والحروب قائمه بين القبائل والنزاعات المستمره أثرت تأثير بالغ حتى يومنا الحالي وسط البلد لازال عنتر يقيمي<< لازال التعصب موجود ومهيمن على اسلوب الأغلبيه من الناس ولع فتيل النار واوقد حطبنا<< ولع فتيل النار في داخل الصدور بالحقد والكراهيه وأوقد البغضاء بين القبائل والمجموعات النار تالع من دقاق الهشيمي<< التعصب القبلي يثار من أدنى وأبسط كلمه لولاه وقت اليوم محدن غلبنا<< لأنه سبب الفرقه وعدم التكاتف بين العرب والأمه الأسلاميه |
اقتباس:
وصح لسانك مليون وكذلك ابو احمد صح لسانه مليون الله يعطيكم العافيه وكذلك اشكر جميع من له مشاركه في هذا الغز |
صح لسانك يابو هليل على اللغز الرائع وصح لسان وجودك يكفي على الرمعة القاضية
بيض الله وجيهكم جميع والله انشغلنا هذه الايام والالغاز ممتعه بتفكيرها وفي حلها وفق الله الجميع |
اقتباس:
لاكن عسى المانع خير انشا الله مشكور على الاطلاع والمشاركه الله لايهينك |
صح بدنك يالاسطوره وصح لسانك على اللغز الرائع والهادف
وصح بدنك يابوغيث وعاش من شافك متواجد وانا اخوك احترامي |
الحمدلله على السلامه يابو غيث وانا اشهد انه قضى عليها وجودك يكفي الله لايهينه
|
الساعة الآن 06:18 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir