|
( 1469 ) وينك يابن جمران ؟؟محلول(الكذب)من ابوفهد الحربي صح لسانه
الله يصبحكم بالخير
كما في العنوان والله يحيي الجميع المشاركة مفتوحة وابواحمد قصف له لغيزين وجا الثالث يأخذ الثأر لربعه
اللغز هذا موجهه لابن جمران=وياربعنا الشطار لاتتركونه انشدك عن عودن على مر الازمان=على المطايا طايرات ردونه يهابه المسلم ويفرح به الجان=وله ماردن هل البخت مايجونه بين السما والارض من غير جنحان=وبالارض له في كل ساحه نمونه شفته ضحى والظهر وايضا مسيان=وشفته بليلٍ ضافياتٍ قرونه |
اقتباس:
ياطويل العمر دفاعنا الجوي مستنفر على طول من بعد الهجوم الكحلاوي والمضادات الارضيه شغاله والرصاص خارق حارق يابن راشد واستلم سلمت
اللغز طيب مايقدر بالاثمان=من شاعر بيطار ماتجهلونه ينشد عن اللي ماهو خافي ليبان=ولاهو كتابة مرسمه يمسحونه وسم عطايا الله مع البدو تبيان=يحفظ حقوق الناس ولالك مهونه واللي سوات رسالةٍ دون عنوان=ضاعة وراعيها يبحلق عيونه ياللي تسقى الارض بهتان الامزان=نسعد بشوفة غايبٍ تذكرونه |
والله صح لسا نك ياقو اللغز يادافع البلا بس ابن جمران الله اعلم انه نقحه
الوسم رمعه قويه بقوة اللغز |
الشاعر عبد الله الفريدي بيض الله وجهك على الغز المليان
والشاعر مضحي بن جمران الله يبيض وجهه على الرد الي اعتقد انه صاب الهدف ويبقى العلم عندك يابو زياد |
اقتباس:
الرمعة اللي قلت ياطير حوران=تعدته يالقرم ماجات دونه الوسم ماهو هو حاول من الآن=وخل النشاما يبذلون المعونه وتراي انا عدلت به قدر الامكان=من شان ماتلقون ماتنكرونه |
اقتباس:
|
اقتباس:
واللغز طال عمرك وعمر من يقرأ لازال بصحة جيدة |
اقتباس:
اللغز ياعبدالله القرم نيشان=وان ماجدعته فيه من يجدعونه مدام لاميسم ولا وسم يافلان= البيرق اللي بالغزو يرفعونه مع مقدم الهيه ليثار دخان=وكل على خصمه تضارس اسنونه |
صح السانك يابو زياد الله يعطيك العافيه
|
ممكن الشر اعاذنا الله وياكم من الشرهوالي يهابه المسلم وتفرح به الشياطين
|
اقتباس:
عوايدك طش الهدف ياكحيلان=وشاعر ولاعمر القريحة تخونه لاهنت مير الوضع كله كما كان=الرامي القناص ضاعت ضنونه قبل اطرحه حطيت للغز مزبان=بالشارع الفرعي عن اللي يبونه |
اقتباس:
صح بدنك يابومحمد والله يعافيك والشر مايجيك اقتباس:
الشر مايجي هالوجه مالك لواء طال عمرك يابومحمد |
نقول
1الحداء للقوافل فوق ظهور الابل المطايا 2التوديه يوده وهو نداء للبل لكي تتبع الرااعي يقال انه مكهروه |
اقتباس:
لابالله مهو الحداء ولاهوالتوديه دوري غيرها |
اقتباس:
يابو زياد اللغز وارد ومليان= لكن صار الرمي فوقه ودونه يمكن تبي قبيط خدرات الاعيان=لاسيقت العطفه ثم اشتد كونه في ساعةٍ يسكر بها كل ديقان=بنحورهم من طاح مايرحمونه |
اقتباس:
انت ماحليته يابن جمران انا ولد ابوي جنب جنب وارفع ثوبك عن دمه شعر ماعندي لكن احله نعم هذا سلمك الله نسميه (حصين ابليس) نوع من الاعاصير يبترم على مساحه صغيره |
اقتباس:
لازال راس اللغز في خير وامان=في ماكره ومجودات حصونه خل الغبيط اللي يشيله بليهان=راح الغبيط ولابة يحتمونه |
يابو زياد صح لسانك على الغز الرايع المحبوك حبكة شاعر
وصح لسان ابو احمد على الرد الجميل والله رمعة ابو خالد حلوه وانا مادري |
اقتباس:
صح بدنك يابوخالد وبعدين ( حصين بليس ) السيكل على اصح الروايات ويؤسفني اني اقول لك مالك لواء |
اقتباس:
صح بدنك يابوهليل ولاعليك زود ونتعلم منك طال عمرك وحنا نبي مرماعك يامل الغنيمة |
وش رايك بمراح الابل او مكان تمرغ الابل
والا الشعف المعصير والشعف الي على الناقه |
اقتباس:
|
صح السانك
نقول الرشاء او الحبل |
جاري البحث يابو زياد
|
يابو زيادوشرايك في داب الذريع وقصته والماردالماء الي في الجبل جبل ذريع
|
اقتباس:
صح بدنك ياخت الرجال واللغز سالم ياسالمين وتصبحون على خير |
اقتباس:
جاري الانتظار يابوهليل |
اقتباس:
ولالك لواء بالرمعة طال عمرك |
ويش رايك في الحجام وحًد يقوله التميمه الي يعلقونه في رقبت المريض
|
اقتباس:
هالرمعتين وعقبهن مالنا شان=في لغزك اللي ماتزلزل ركونه طيرٍ بروس البل يعقب بها جنان=والا الجفال اللي قبل يشتكونه |
اقتباس:
عتق مافيها هرج هاللغز يا اخوان=من سيف مضحي مار لاتعتقونه حلوه والا نكتب الحل ذلوان=انفذ اللي يالربع تأمرونه .................................................. ..... |
اقتباس:
جيتك واقول السيف والسيف للان=في ساحة الاعدام تبرز طعونه واللي مضى في ايدين ذربين الايمان=دون الضعن والذود تبرز فنونه عسى الاجابه صح من قبل الاخوان=وقدام يصدر حكمكم تعدمونه |
اقتباس:
مالك لواء ماهو السيف |
نقول
1-الرمح 2المشوك 3السهم |
اقتباس:
ماهو من اللي ذكرتي |
طيب مادام انه على المطايا
نقول 1النطع 2الخرج 3الرسن |
اقتباس:
ابد مالك لواء |
الاخ عبد الله الفريدي صح لسانك على اللغز الجميل المحكم / عندي رمعه متواضعة جداً / يمكن يكون / الكذب / وشكراً
|
انا شخصيا اقول صح لسانك يابوفهد ملاحظتي اذا كان حلك صحيح
ان الوصف رسم بطريقه خياليه امعانن في دفن اللغز اذاكان حلك صحيح لي عوده لتفنيد اللغز |
اقتباس:
ابو زياد صح السانك مليون على هالغز المجنون وابا اشارك مع الربع برمعه يمكن انها تصيب وابا اقول وش رايك بالفراغ |
الساعة الآن 04:04 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir