|
{مجلس اعضاء وضيوف وزوار ملتقى الالغاز}
الاخوه الاعزاء السلام عليكم ورحمة الله وبركاته هذا المتصفح مجلس لضيوف واعضاء ملتقى الالغاز للسلام وتبادل الحديث والسؤال عن زملائنا في حالة غيابهم اتمنى من الله العلي القدير ان يكون مجلس مبارك تعم فائدته على الجميع بسم الله على بركة الله نفتتح هذا المجلس ياهلا يامرحبا حياكم الله |
وعليكم السلام
والله يجعله مجلسن عامر على عز وغلى |
وعليكم السلام ورحمة الله وبركاته
اهلا هلا بك يابو هليل يامرحبابك انت ورايك الاكثر من رائع نعم مجلس عز وشرف وخويانا تاج راس بارك الله فيك يابو هليل استفتح الاسئله انت بالخرج ابسئلك عن ابو سلطان العتيبي وينه فاقدينه علمنا عنه كان عندك خبر |
السلام عليكم ورحمة الله وبركاته
يالربع انا فاقد اخوين عزيزين لهم مشاركتهم وتواجدهم الملموس في ملتقى الالغاز وهم الاخ سامي الفكر والاخ ابو ثامر الحصين واقول عسى المانع خير اتمنى عودتهم والمشاركه معنا في اقرب وقت ممكن |
ابومشاري ابو سلطان ابشرك انه بخير
ولاكنه مشغول الايام هذي وعندما تنتهي ضروفه بيكون متواجد انشا الله شاكر لك سوالك |
جزاك الله الف خير يابو هليل على الخطوة المباركة
وان شاء الله من احسن الى احسن والتواصل يدوم |
السلام عليكم ورحمه الله وبركاته
موضوع رائع وفكرة تشكر عليها يابو هليل انا فاقدن ناسٍ واجد ابا سجلهم في ورقه وارجع اعلمكم عن اسماهم تحياتي لك يابو هليل ابا ارجع لكم مرة ثانيه ان شالله |
الله ايبشرك ابكل خير يابو هليل اليا واجهته بلغه سلامي وترانا مشتاقين له ولحضوره مثله ومثل جميع اخويانا نشفق عليهم ابو هليل اقول مره ثانيه بارك الله بك وبهالمجلس
|
بيض الله وجهك يابوهليل ودام عزك وانا اخوك متصفح رائع ومجلس عامر بإذن الله والله والأخوان إللي فاقدين تواجدهم كثر وكلهم غالين وعسى المانع خير في عدم تواجدهم وبإذن المولى نشوفهم متواجدين في القريب العاجل |
الاخوان شاكر لكم التفاعل والمشاركه
الله يعطيكم العافيه |
بارك الله فيك يا بو هليل رايك سديد وعلمك طيب
الله يوفق الجميع والى مزيد من الافكار الطيبه |
الاخ ابو هليل الله يبيض وجهك على الخطوه التي تدل على طيب معدنك
والنيه الصافيه وحب التلاحم بين الاعظاء تحياتي وتقديري للجميع |
وعدتك يابو هليل اني ابا عود وهالحين اقولك انا اتذكر اول لغز ليه (كان)ولا اضني نسيته
المهم اني حسيت ان اللغز ماحد بحاله واستنجدت بالاخوة في ابيات وهاذي اسماهم الزملاء والابيات تقول سعد رجاء الحصني سامي الفكر غدير بن فهد الجربي صابر العنزي وجودك يكفي عبدالله عتيق الحنيني خالد اللهيبي مهجرس الحرف ابو هليل الابيات تقول
سعد رجاء مشكور يالله تحييـه=عجل وفكر شوف رائن سديدي سامي على فكرة تراء العلم مافيه=غدير ولد فهد برايـه شديـدي صابر عزيزن عندنا كل يغليـه=وجودكم يكفي علـى ماتريـدي عبدالله عتيق ولا نـي بناسيـه=وايا اللهيبـي منكـم نستفيـدي مهجرس القيفان مانـي معديـه=يابو هليل هات حلـن جديـدي واذكر ان ابو هليل وجهلي ابيات في لغز ان شالله اكتبها المرة الجايه وسلمتكم |
الله يعطيك العافيه يامنصور وصح لسانك وبيض الله وجهك
شاكر لك تواجدك |
السلام عليكم ورحمة الله وبركاته
بعد غيبة طويلة انقطعت عن احبتي هنا في هذا الملتقى ها انا اعود وكلي بهجة وسرور وسعادة بتواجد كوكبة من الاخوة الفضلاء لايزالون بقمة العطاء ويسألون عن من ابعدته ضروف الحياة وصوارف الايام عن اخوته وهذه سجية الاوفياء الانقياء . من خلال هذا المتصفح اسلم على كل الاحبة هنا وكل عام وانتم بخير |
عليكم السلام ورحمة الله وبركاته
ياهلا يامرحبا حياك الله يابو زياد الحمد لله على السلامه وتسعدنا عودتك فانت محبوب من قبل الجميع الله يحييك يابو زياد |
يا هلابك يابو زياد يالله تحييه ويامرحبابك بين ربعك وخوانك يالغالي
|
اقتباس:
عليكم السلام ورحمة الله وبركاته وعاش من شافك متواجد يابوزياد والحمد لله على السلامه وآخر الغيبات يالغالي وكل عام وانت بخير |
اقتباس:
وانت بخير يابو زياد وعاش من شافك متواجد والحمدلله على السلامة |
ابو هليل بيض الله وجهك على هذه الفكره للتواصل بين الاحبه
والتسائل عنهم وطرح كل مايستفاد منه اشكرك جزيل الشكر يابو هليل واعذرونا على القصور ويشهد الله انا ماذخرنا شي عن الملتقى واهله وكل عام وانت بخير ان شاء الله يابو زياد والحمد لله على السلامه |
السلام عليكم ورحمة الله وبركاته
أثركم فالّينها هنيّا وانا مانتبهت يالربع عندي سؤال مهم , أبغى الإجابة ضروري : أبو محسن (ذيب المضيح الأول) وينه؟ بالله طمنونا عليه , عسى ماعليه خلاف ؟؟ |
ابوسعد عليكم السلام ورحمة الله وبركاته
ابشرك ان ابومحسن طيب وبخير والرجال مشغول بالعمار يبني له بيت بضواحي المدينه وحسب كلامه انه على وشك الانتهاء ونتمنى عودته ومشاركته معنا باسرع وقت مشكور على السوال يابو سعد وهذا من طيب معدنك بيض الله وجهك |
الله يبشرك بالخير يابو هليل ويجزاك خير
|
الاخ العزيز ابن عقيل
ياهلا ومرحبا حياك الله في ملتقى الالغاز وسعدنا بانضمامك معنا ونتمنى تجد مايسرك ولاوصيك بالالغاز شغل الكلاشنكوف على التماتيك هههههه |
|
مبروك للمستشارين |
(good)(good)(good)
ابوهليل سعد رجاء الحصني عبدالله الفريدي الف الف مبروك وتستاهلون الترقيه والمنصب الجديد وبالتوفيق في مهمتكم الجديده |
الاخ رابح والاخ ابن فرهود والاخ وجودك يكفي
الله يبارك فيكم شاكر لكم التهنيه وعسى الله يجملنا بالعلم الغانم |
السلام عليكم اخترت لكم هالقصيده للشاعر "نايف ابن زابن المعمري "عليه رحمة الله القصيده صوره طبق الاصل من ديوان الشاعر"
انا عقلي دليلي والدليل يصحح الغلطات =وتسمع وش نقول وكل كلمه وش يعادلها ترى رجلن يقاضى الخصم وهو يجهل القضوات =تفوته حجته ماشاف مخرجها ومدخلها وترى رجلن يقوم بغير حق تعقله الفلجات=وترى من ينطح المفلوجه اردى الناس واخبلها وترى كثر المراوغ بالطريق يسبب النكبات=لاكن اقصد بمشيك واطلب ان الله يجملها وخوذ الحق واعط الحق والاعمال بالنيات=وترى الرجل العوج عوجان ربعه مايعدلها ولا تزعل ولاتعجل الى حولت بالمقالات=تمهل واختصر حجتتك بالحكمه وقللها وماقل ودل يكفي الميستمع عن كثرة الاصوات=ويرجح في تماثيل الخصيم الي يمثلها وترى ماكل الالسن بالكلام تحقق الغايات=ولا كل من تكلم ينقض الحجه ويفتلها وترى كلمه تجيب الحق من قاع البحر لاجات=وكلمه تعمي القالات وتقطع عقايله وترى للمرجله ساعه ولك في غيرها ساعات=والى مرتك ساعات المراجل قوم قابلها علوم الطنفسه والدنفسه ماتقضي الحاجات = الى باوب لك الدرب السنع باوب وبتلها ولا تهتم من دعوى توجه لك بدون اثبات =لو ان الخصم قلفعها على راسك وزلزلها ولاتكذب على خصمك ترى من عادت الكذبات= اذا ماخربت تال العلوم تخرب اولها يجوز لك الكلام الي تقوله وانت بالفضوات= وتنسى ان العلوم الها رجاجيلن تحللها وترى كل الرجال رجال قبل تحده الازمات =ولاتعرف حصاد افكارها الا من تعاملها وترى بعض العرب عرفه قصير ولاكن له هومات=ويحاول حل قالات الرجال وهو يجهلها يكلف عرفه المحدود في شين فيه خوذ وهات =ويرجع بدون من نصف الدروب الي تطاولها وتوكل واتكل والله هو الي يجبر العثرات =وإلى منه وضعك بوسط نعمه لاتبدلها وتحرص واحترص واذهن ترى جيش النفاق ميات=يحلى بالحيا يالي تدفن في مسايلها وتحرص واحترص واذهن ترى بعض الرجال افات =يزل بك القدم معها وتاقع في حبايلها وتحرص واحترص واذهن تتيه بسبت الغفلات =ويطير ابك الهوا مع ناس ماتعرف دخايلها وتجمل والجميله من عوايد طيب العادات =وتكرم واهل المعروف لاتنسى جمايلها والى منك سلمت من العرب هي ابرك الحزات = رحمك الله والا الناس ماتقضي مشاكلها |
مشكور يابو هليل وبيض الله وجهك على النقل
وصح السان نايف الله يرحمه ومشكور مرة ثانيه يابو هليل |
اقتباس:
بيض الله وجهك يابو هليل انت وكل النشاما بهذا المجلس العامر الجذاب ولانخلا ولانعدم تواجد الجميع والله يحفظكم ويرعاكم |
ابوهليل
لاهنت وبيض الله وجهك على هالفكره الطيبه ومن احسن الى احسن وبارك الله فيك والله يعمره بالطاعه |
مبروك يابو هليل الاستشاره وانت كفو وقدها واكثر
|
اقتباس:
|
اقتباس:
ياهلا يابو ثامر وحياك الله والحمدلله طمنتنا على صحتك وهذا الغايه من السوال الله يحييك يابو ثامر وسعدنا بتواجدك معنا ونتمنى تواجدكم معنا باستمرار |
سلام هل تقبلوني ضيف لكم
|
اقتباس:
ضيف عزيز ويشرفنا تواجدك معنا |
عليكم السلام ورحمة الله وبركاته: وبيض الله وجهك على هذه الفكرة 0 وتقبل تحياتي
|
اقتباس:
يشرفنا تواجدك معنا الله يطول عمرك |
السلام عليكم ورحمة الله وبركاته ... مساكم _ صبحكم الله بالخير
الله يجزاك خير يابو هليل على هالموضوع المميز واهني اللي معه فرصه يجلس معكم ويسولف وينزل الغاز ويحل الغاز ونيسين الله يونسكم بدنياكم لكن الاشغال ماتتطيع ولاتقظي والله يعين ومبروك الاستشاره وتستاهلون والشاهد الله |
الساعة الآن 08:34 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir
