|
طلب محاوره ودعوه لجميع الاعضاء
ياسلام الله على الكل من راس اقحطاني
قبل لانرقاء مشاريف جزلات المعاني الجمايل لهلها دايمه والعمر فااااااااني (ولعوها نار والنار من شبااااااااااابها)
ياسلامي على الشعار وهل المكان=من ضمير الذي لاقالها قالها ياقبيلي تعال اصهل صهيل الحصان=خلنا نرسل المندوب ياسعالها ارجو من من اراد المحاوره معي ان يحدد لنا موعد تكون فيه بدايت المحاوره والدعوه عامه للجميع ونرجو تواجد اخواننا الاعضاء فالمحاوره بدون جمهور وبلا تفاعل لاقيمه لها |
بدايه رائعه من شاعر كبير بيض الله وجهك ياعلي القحطاني
اما عن المحاورة معك فنا اقول فيه من القبيله شعار اكبر مني شعراً وعمراً فنا ماني متعدي عليكهم اما من ناحيه التشجيع والمتابعه فنا حاضر معكم لين اخر المحاورة اتمنا التوفيق لكم وشكراً |
اقتباس:
وانت كبير بقدرك اقسم انك اصيل الله يكثر من امثالك وانا ماجيت متحدي ولا هو انا اللي يتحدى الرجال في عقر دارها ولا في الشعر تحدي وكلمة تحدي ماهي بلي وانا اخوك اعرف ان قبيلة حرب قبيلة الشعرو الشعراء اللي انا اتعلم منهم ابجديات الشعر ولو ماحصل غير ردك هذا يعلم الله انه كفاء ووفا وانت وافي يالنشمي تقبل ودي |
صح لسانك يا علي حاسن و بيض الله وجهك و حياك الله في ملتقى حرب أنا ضيف مثلك و اهل الملتقى فيهم الخير و البركه و ابشر بالصفوف وينكم يا لشعار نبي سهره ممتعه؟ :076::076::076::076::076::076::076::076::076::076: :076: :0736::0736::0736::0736::0736::0736::0736: :0736: |
صح لسانك ياقحطاني والله يعافيك يامنصور
|
مرحبا يا علي والشعر فن وبيان=كل كلمة عرفنا ويش مثقالها شاعرٍ غامدي مع شاعرٍ لأقحطان=ولعّ الملعبه ثم زوّد اشعالها |
اقتباس:
حدد لنا موعد واذا كنت متواجد لاباس نواصل ولو ان المحاوره بدون تواجد لاروح لها بالمره
البقى ياولد غامد وجار ازهران=شبت النار لاتمرح على جالها زنجبيل وشوية هيل مع زعفران=والرياجيل نعرفها من اقولها |
اخوي الظبياني
انتظرتك كثير رغم تواجدك معنا بالقسم ولكن يبدولي معرفك فقط على العموم حدد وقت معروف نقدر نتواجد في الموعد وربنا يقدر مافيه الخير |
صحة السنتكم يالشعار لكن يالظبياني الغامدي وين الموال؟ يحيتي لكم |
اقتباس:
وانت من الرجال اللي نشريهم مانبيعهم ونتشرف في بقائهم معنا تقبل تحياتي وتقديري |
صح لسانك ياعلي حاسن القحطاني وصح لسان الغامدي
واصلوا متابعين |
واصلو وبالتوفيق لكم
بأنتضار أبداعاتكم عساكم على القوه دمتم بخير |
اقتباس:
يا هلا بك يا سعد و الله يسلمك ما فيها شكات لكن قلت الرجال شكله يبي له شاعر من شعار حرب و لا بغيت ارد رغبته و الظبياني الغامدي فيه السداد تحيتي للجميع |
اقتباس:
يعلم الله يالصيفي ان الموال كتبته وزود على ذلك اضفت ردي مرتين عشان التأكيد والرد الثاني ما قبلوها لان الرد الاول مشابه له وشفت الموال والرد .. والحين ما لقيت الموال لكن فدا يا رجال |
صحت السنتكم انا من المتابعين لكم واصلو
المحاورة لو من دون موال وياليت تكون مباشرة |
بيض الله وجيهكم جميع اقسم بلله انكم رجال شعر وعلوم غانمه
اعذروني انا اقطعت لضرف خارج الاراده ولكن انا تحت اوامركم جميع ويشرفني تواجدي معكم في اي وقت والموال بسيط شفت خوي تجاوزه ولا عاد ذكرته قلت لربما مايبي موال او مايلعب موال وهذا مايعيب شاعرية الغامدي اذا مايلعب موال وقبله الزلامي مايلعب موال تحياتي للجميع وحدد ياصبي غامد وقت المحاوره وانا جاهز لعيونكم |
الساعة الآن 02:21 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir