اسهر ليال الشوق ماردني شئ=واتبع سراب الود مع قلب خفاق
واليا اشرقت شمس الآمل مالها ضي=في ساعة(ن) يغفى بها كل مشتاق
ازرع همومي واحصد الغم بيدي=واقطف ورود الود آهآت وفرآق
بستان وانا مركزي وسطه المي=اسقيه صافي واشرب السم منساق
لامال غصنه ميل الروح بالفي=ظالم وعدله رغم الآهآت به فاق
حآولت اكتم وانفضح كل مابي=ابدأ ولاقي دون الآمال غلاق
اليا انعكس نور القمر فيه ياخي=قام يتلاوح من على الخد براق
دواه بلوه والبلى فالدوا كي=جرحه على كل المدآوين حراق
اتبع طريقه رايح ان كآن .. او جي=واخاف افقد طلته خلف مدراق
اتعبت قلبي .. وتعبت معه رجلي=وبعد الوسيعه ياعرب خاطري ضاق
في خافقي طويتها فالزمن طي=لكن وقتي يآزمآن العنى عآق
مآت الآمل وانآ احسبه داخلي حي=والله يرحم من فقد حي مشراق

المشاركة الأصلية كتبت بواسطة البارق الوسمي (المشاركة 801110) صح لسانك مليون على القصيده والله يعطيك العافيه وبيض الله وجه رائعه من رائع تحيتي

المشاركة الأصلية كتبت بواسطة ابوخالد الفريدي (المشاركة 801130) صح لسانك ولكن غير المنظار الاسود الله لايهينك ابيات جميله

المشاركة الأصلية كتبت بواسطة رابح الجحدلي (المشاركة 801160) صح لسانك مليون على القصيده والله يعطيك العافيه بيض الله وجهك

العبيدي

شاعر الحاير

صح لسانك و لا هنت

مبدع و ما فيك حيله

تقبل مروري

المشاركة الأصلية كتبت بواسطة زكي حسين العبيدي (المشاركة 801470) طيب ياطيب صح لسااااااااانك يالغالي مبدع بصراحه والى الامام يالغالي في انتظار جديدك احترامي لشخصك الكريم