|
سلام يحوم ما يقنصه يالشعار غير الحررررررررررررر
سلام الله نبا شاعر مجوّد قافه وبنيه = سلام يحوم ما يقنصه فالشعار غير الحر من اللي لا رما يا أصحابنا ما يخطي الرميه = واذا طب البحر من جوف بطن الحوت جاب الدر |
اقتباس:
هلابك يالحجيري خابرك من لابةٍ طنيه= رجالٍ ما تهاب من المنايا بحر و الا بر أنا لامن حملت ام القفد مضرابها دميه= واذا كان الطلب للول الله لا يعوق بشر |
اقتباس:
يدوم الك البقا ياللي على الجزلات لك عنيه = وانا خابرك من قوما لها فالماد كر وفر على الخط السريع اثبت ولا تستعجل الحنيه = تهيض والحلا يا صاحبي ما بعده الا المر |
اقتباس:
ألا يالصاحب اللي عارفه ما يبغي الخنيَه= و الى منه عزم ياصل لغاياته و لا يعْسَر أنا لا من قضبت الدرب صار ابعادها دنيَه= و انا والم لكل اللي يجي من نَفْع و الا ضر |
اقتباس:
مع أهل الطيب ما تجني سوى مثل العسل جنيه = لكنْ خلك مع اهل العزم يالصيفي ولا تخسر وش اللي صار ياأهل العلم والتاريخ فالدنيه (الدنيا) = غرقنا فالبحر وش رايكم في هولة المنظر |
صحت لسنتكما على الابداع
|
الووووووووووووووووووووو ،،، الصييفي موجوووووووووووود
|
اقتباس:
مع اهل الطيب تكسب طيبه و النفس مهتنيه= و لياك توصي اللي حرص لنِّه دايمٍ يحذر مصير الكون رايح والبشر يا صاحبي فنْيَه= و لبَدّ تشوف في دنياك مثل اللي حصل و اعبر الليل سرى يالحفيد والقابله نتابع ان اردت تحيتي لك و لكل من حضر |
اقتباس:
صح بدنك يا محمد عويض البدراني الابداع يزيد بحضورك |
اقتباس:
ههههههههههههه سامعك زين تصبح على خير يالحفيد |
اقتباس:
صغير أحلامنا في وقتنا هذا غدت مُنيه = واذا خمسين ما حلت ما ظنّ تحلّ ميّه صر ترى هذا بلا (بلاء) روسا لحد الموس منحنيه = ولو كل العرب مثلك كسير العظم ما يجبر |
معليش يالصييفي شفتك موجود قلت حاضر بحاضر أحسن
مع تحياتي |
وش الهرجه وين الجمهور
الظاهر لجنة الانضباط اصدرت قرارها بدون ما ندري ههههههههههههههههههههه ما نسيتك يالبدراني الله يعطيك العافيه ،،، شكلك الحكم ،،، بس وين رجال الخط ههههههههههه لا عدمناكم |
حفيد الحجيري شاعر مبدع دائما بالمعنى صح لساااانك
(وش اللي صار ياأهل العلم والتاريخ فالدنيه =غرقنا فالبحر وش رايكـم فـي هولـة المنظـر)
الصيفي شاعر مبدع دائما صح لسااااانك
(مصير الكون رايح والبشر يا صاحبـي فنْيَـه=و لبَدّ تشوف في دنياك مثل اللي حصل و اعبر)
واصلووو متابعييين |
اقتباس:
صح بدنك يا ولد عمي وعلى راسي من فوق مرور شرواك من الشعار المتمكنين شرف كبير بيض الله وجهك لا عدمناك |
حفيد الحجيري - الصييفي صح الله لسانيكما على المحاورة الجزلة وأدام عزكما وجزالتكما سعدت بمروري وتصفحي وتقبلا إعجابي وافر احترامي |
اقتباس:
مرحبا بك يا بدر بن شطيط الحربي الابداع يكتمل بحضور مثلك و شرواك مشكور على تشريفك لا هنت |
اقتباس:
الله يحييك يا سالم البشري صح بدنك و الجزاله عادتك دمت و دام حضورك لاهنت |
اقتباس:
صح بدنك يابو وايل سعدت بمرورك بيض الله وجهك |
اقتباس:
مع العزم القوي تبنى صروح و فوق يَعْلِنيَه= و الى صارت على يدّك تحل و يخسر المغْتَر و مدام الناس تنظر للمصالح عينها صَميَه= و لو النظره بعيده كان عظم الساق ما يكسَر و الله يالحفيد كنت كاتب ردي قبل ارد على الربع و عاينته و تركته ما فعلته وضاع المعذره |
اقتباس:
خويي ما ثبت فالخط جا للعزم به ثنيه = وانا قدام حذرته من البطناج والبنشر انا لي طرقهْ أبعد من نهاية قافيه ب (اِنْيَه) = انا لي طرقةً سد الحدود فديرة المحشر |
شاعرينا القديرين
حفيد الحجيري والصييفي محاورة تستحق الإشادة من اصحاب معنى اصح الله لسانيكما وبيض الله وجهيكما |
صحت السنتكم على هذا الطاروق وبيض الله وجيكم ولانعدم تواجدكم
|
صحت السنتكم ودام عزكم
|
اقتباس:
أنا لو سقت خطٍّ سمح من "تيما" الى "رنيه"= مظنك يالحجيري تاركٍ اللوم أو تغفر عسى دربك سماح من السعوديه للاردنيَه= و تعود من السفر سالم، يقولون الطريق اقشر أخوي حفيد الحجيري أظن القاف شابت حجاه شكرا لقبولي و العذر كان جرى قصور الحقيقه كان اللعب معك متعه لا هنت |
اقتباس:
الله يسلمك يا بخيتان البشري و صح بدنك و اشادتك ميدالية ذهب لا هنت |
اقتباس:
يا هلا بك يا مضحي بن جمران صح بدنك شكرا لحضورك ومتابعتك لا هنت |
اقتباس:
صح قلبك يا نبض الوجود شكرا لتشريفك |
اقتباس:
ما قصرت يالصييفي سعدت بمجاراة شرواك وعسا دربك سماح ولا يعترضه اللي اعترض سفينة الحريه ؟؟؟؟؟؟؟؟؟؟؟؟؟؟؟؟؟؟؟؟ وكلك نظر الى لقاء آخر وانت طيب ان شاء الله |
حفيد الحجيري - الصييفي صح الله لسانيكما على المحاورة الجزلة وأدام عزكما وجزالتكما |
الساعة الآن 01:53 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir