|
الليل ياهل الشعروالقاف مربوع
الليل ياهل الشعروالقاف مربوع=واللي يشب النار يصبرعلى النار احدى عشر مابين تابع ومتبوع=معقول ماحدٍ معة فالجيب دينار |
الليل هات العلم والراس مرفوع = واللي ما هاب الموت ما هاب الأخطار لنكان تملك ما يسدّك عن الجوع = من فضل ربي خيرنا مغني الجار |
الله يحييك ياحفيد .. للتوضيح انا بديت القاف وديرباعية عشان كذا قلت الليل ياهل الشعر والقاف مربوع ووقتها مرو على البيت احد عشر .. وكتبت البيت الثاني اقول احدى عشر مابين تابع ومتبوع .. قصدي على الشعار ..
ياصاحبي ماني من المال مقطوع=قصدي على الشعار والشح شعار كلمتك هذي عن ثلاثين مشروع=والنعم فيكم عشرة امرار وامرار |
جميل بن حميدان و حفيد الحجيري صحت السسنتكم تابعوا و حنا معكم لا هنتوا |
صحة السنتكم
وبيض الله وجيهكم واصلو نحن متابعين |
الله الله صح الله لسانكم واصلوا القاف متابع للأبداع موفقين بإذن الله |
اقتباس:
على العموم أنا حبيت احاور شاعر جميل مثل جميل ،،، وعسانا جبنا اللحن صح ، اللذي اعتقد انه لحن موال ( واللي يشب النار يصبر على النار ) ،،، لك كل الود يابن العم
فاهمك يا شاعر قوافيك لك طوع = معناك واضح ما يبي كثر تكرار ما أذمكم يا عزوتي لاد مزروع = قوم الوفا والحر من نسل الأحرار |
اقتباس:
صح بدنك والله لا يهينك لا عدمنا مرورك يالذيب |
اقتباس:
صح بدنك يا سعد اسعدنا مرورك لا عدمناك |
اقتباس:
صح بدنك يا ولد العم شرفنا مرورك الجزل لا عدمتك يابن العم |
صحت ألسنتكم واصلوا متابعين
|
العب وانا خيك ومازاد مرجوع=وانت من اللي يحكم الشار بالشار لو كان فيكم عرق لو كان مقطوع=طاح الحطب والشوك ماينبت ازهار |
صحت السنتكم الشاعر جميل بن حميدان والشاعر حفيد الحجيري والله لايهينكم على الطاروق الرائع واصلو
|
اقتباس:
هات الكلام اللي تكنه لك اسبوع = ياغيم ما باقي سوى سوق الأمطار الرجل له مذهب وله سلم وطبوع = طارت حرار الجو والطير ما طار |
صح لسانك ياجميل شاعر جزل ومبدا جزل
صح لسانك ياحفيد شاعر جزل ورد جزل ووافين وواصلوووو الطاروووق |
ترى الزعل ياخوك ممنوع ممنوع=لن كان ودك تزعل آسيب الكار موضوع واطرالي وخطيت موضوع=ماني لحالي معك ياخوك فالدار |
اقتباس:
ما نيب زعلاناً ولا نيب موجوع = يا ولد عمي لا تفكّر وتحتار موضوعكم ما بان والقاف مخضوع = ياللي تعوم البحر والبحر غدار |
موضوعنا له باب والباب مقروع=ماعاد ينفع بعد ماصارماصار اصلٍ وله ياصاحبي عدة فروع=والثار منكم لازمٍ ناخذ الثار |
الشاعر جميل حميدان
الشاعر حفيد الحجيري صح الله لسنتكم على هذا الطاروق الرائع |
اقتباس:
دامك خلي خالي وما فيك مطموع = أسهمك بعها قبل فالسوق تنهار واهبد على صدرك ليا كنت مفزوع = والله يعينك في مقابيل الأقدار لك كل الود والتقدير يابن العم |
حياك الله يابعد حيي .. تحياتي وتقديري
|
الساعة الآن 10:05 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir