|
سلامي على الشعار من دون تخصيص
سلامي على الشعار من دون تخصيص=وكلٍ على ماقيل يحمى لزومة ترى ماذبحنا غير شلتك ياغليص=يموت الرجل وان مات تبقى علومة |
عليكم السلام ورحمة الله يا جميل بن حميدان صح لسانك و لسان قبيلك القادم لا هنت على حضورك المشرِّف |
السلام عليكم جميعاً وصح السانك ياجميل
|
اقتباس:
اخوي جميل حياك الله ياترى منهو غليص |
حياكم الله ويامرحبا .... ويامهجرس وانا اخوك لاتسبق الاحداث... وانت شاعر كبير.. والشعر اخذ وعطاا
|
اقتباس:
صح لسانك يا جميل وما مسكنا اللحن عشان نقدر نرد شكرا للمراقب على التنويه لك تحياتي |
صح لسانك يالمعنى لكن ردك وزنه يبغى إعادة نظر يا ليت تصححه تحيتي لك و لقبيلك |
اقتباس:
انا اقصد ان الشاعر اللي يبا يرد عليك هو غليص ولا رد الا انه قبل هذا الاسم لنفسه حيث ان بدايتك سلمت بدون تخصيص ونقضت البيت الاول بغليص وشلته تحيااااتي لك ياجميل |
الرجال يقصد غليص في مسلسل راس غليص بحسب ما فهمت
وغليص وشلته يقصد اللى عاونوه على السرقه وانت بكرامه |
اقتباس:
|
!!!!!!
!!!!!! |
جميل بن حميدان شاعر متمكن وشهادتي فيك مجروحه
صح لسانك على المبدأالرائع |
اقتباس:
هلا مرحبا ياشاعرن مانت برخيص = ولكن فيك اليوم اشوي زومه احرصك يا رجال بالعلم تحريص= وخل العرب وخليص مااحدن يلومه |
يدوم البقا مازدت ياخوك تنقيص=ومثلي ماهوشرواك كلٍ يسومه بعد ماوردة السوق سوق المقاصيص=مبارك عليك غليص يابن العمومه |
اقتباس:
بداع مبارك عليك غليص يابن العمومـه مبارك عليك غليص يابن العمومـه |
اقتباس:
أنا ياطويل العمر خابرك كما النيص = وقادر على شرواك نفرك خشومه بعد ماجنيت غليص ماقالو ابخيص = وخله عليك اليوم ينفض سمومه |
الله الله الله ابداع رائع ومحاوره تحت التصخين ههههههههه :076::076::076::076: وعمالقه من مبداهم اتمنى لكم التوفيق وبيض الله وجيهكم وتقبلوا تحياتي |
تراك انت ويا البيت محتاج ترصيص=صحيح البحر ماكل واحد يعومه كما حرف لي به من تهايمك تخليص=نردك عن البحر وتعود ترومه |
اقتباس:
تملص عليه مير مافيه تمليص = وبكره تشوفونه يليم هدومه أنا اقنصك من ضمن الرجال المقانيص = والى لزمتك لزمتي بالنعومه |
مقصص جناحينك من العام تقصيص=ومثلك معي ماتنحسبله قسومه تعوذ من الشيطان قدمك هل خليص=ياكم واحدٍ قبلك رخينا عزومه |
صح لسانك يا جميل بن حمدان على المبدأ الرائع ،،، والنعم بأهل خليص عيال العم
صح لسانك يالبدراني على الرد الجزل وبيض الله وجهك واتمنى تقبل وجهة نظري هذه ( اعتقد ان هناك اخطاء املائيه فقط تخل بالوزن لديك مثل ( كما النيص ) أي لو قلت ( كالنيص ) لأعتدل الوزن وأيضا ( والى لزمتك ) اعتقد انك نسيت تكتب ( من ) لتصبح ( الى من لزمتك )،،،،،،،،، لك كل الاحترام والتقدير يا شاعرنا المبدع بيض الله وجيهكم |
اقتباس:
مانته مسوي شي يا ابا الغلافيص = ومثلك الى شاف البحر مايهومه والنعم بهل خليص مير انته حبيص = يدينك وش تسوي نهار العزومه |
اقتباس:
|
اقتباس:
كلك ذوق يا محمد والله لا يهينك |
صحت السنتكم على هالطاروق وبيض الله وجيهكم لاهنتم
|
صحت السنتكم جميعااااااا
|
الساعة الآن 09:53 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir