ملتقى قبيلة حرب الرسمي - ( طريق اهل الهوى تبدا به الارياق معسوله ) . مساجله

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

( طريق اهل الهوى تبدا به الارياق معسوله ) . مساجله

/
/
/
/
/
/
/
/
/
/
/
بدع الشاعر / نايف بن صالح المالكي

سهر جفني تعب قلبي وليل الهـم ياطولـه=وانا صابر واقول الله على صبري يجازينـي
وفات العمر بايامه وماجا فـود محصولـه=واعز الناس فارقني واظنـه صـار ناسينـي
وشاب الراس من هم(ن) عليه زادت احموله=ونار الشوق ياخالد لهب بالقلـب تكوينـي
وصارت فرحتي صعبه بوسط المهد مقتولـه=ذبحها صاحب(ن) روّح وهو عالموت حاديني
انا وان مت ماشفته يامال الخيـر قولولـه=يفك القبر بيدينه ولامـن صـار يكفينـي
والى من صرت في قبري يفك اكفان مفتوله=ويكشف وجه ماشافه طوال ايام وسنينـي
ينادي من يلحّدني لحد في القبر وصّـوا لـه=يغطى القبر لاهنتوا ويحثي فوقـه الطينـي

/
/
رد الشاعر / خالد بن عبيد بن معتوق ألأحمدي

وصل خطّك يابو صالح نثرت الورد بوصوله=واقول الله يعين اللي شكى من لوعة البينـي
طلبت الله يفتح لك جميع ابـواب مقفولـه=ماغير الله يفرجها ولا غيـره لـك يعينـي
وانا قبلك شكيت الود لو ماهـي بمقبولـه=امور ٍ جات يانايف تزيـد القلـب تغبينـي
قبل روحك يابو صالح تعنّت روح مذهوله=ولو بظهر لك همومي تصاب بهـم يبكينـي
رماك القلب في ناره بعد جاوبـت لميولـه=تحسبن الهوى يمشي على شـرع وقوانينـي
طريق اهل الهوى تبدا به الارياق معسولـه=وإلى من طالت المده يزيد الجـرح تمكينـي
لكن اصبر مثل صبري لابد ازمتك محلولـه=كبير العزم لو يقسى عليه الوقـت مايلينـي
ولا تنّشد عن القادم ترى الاقـدار مجهولـه=لوان الغيب تدريبه ماعشت بهم لو حينـي
عسى ربي يبارك لك في عمر ٍ زايد ٍ طولـه=تعيش بخير مع تقـوى تحـب الله والدينـي

صقر المراقيب صح لسانك وصح لسان الشاعر نايف المالي
تحياتي للجميع

صح لسانك

ياصقر المراقيب وبارك الله فيك 0

وتقبل تحياتي 0""

..
سلمت يمناك اخوى خالد بن عبيد
وصح لسانك ..ابيات فى غاية الروعه والابداع
دام حضورك وودام عطائك
حفظك البارئ
..

صحت السنتكم
والله يـعـطـيـكم الـعـافيـــــــــــة
بيض الله وجيهكم

مشكور اخوي / سعد المحمدي
على مرورك
ولكن ارجو منك تعديل الخطأ الاملائي
الذي حصل في كتابتك لاسم الشاعر
هو / نايف المالكي
وليس المالي

صحة السنتكم جميع وبيض الله وجيهكم

سميي الغالي
/ خالد اللهيبي
صح بدنك

صح لسانك ولسان الشاعر
تقبل مروري

عبق الحروف
صح بدنك

ولا تنّشد عن القادم ترى الاقـدار مجهولـه
لوان الغيب تدريبه ماعشت بهم لو حينـي

صحت السنتكما
ابداااااااااااع
ياخالد

قبل روحك يابو صالح تعنّت روح مذهولـه
ولو بظهر لك همومي تصاب بهم يبكينـي

ولا تنّشد عن القادم ترى الاقـدار مجهولـه
لوان الغيب تدريبه ماعشت بهم لو حينـي
الله يسعدك ياشيخ
صحت السنتكم
والله يـعـطـيـكم الـعـافيـــــــــــة
بيض الله وجيهكم

سعدت بمرورك
اخوي / رابح الجحدلي

صحت السنتكم وسلم بنانكم وبيض الله وجيهكم

بدع ورد غاية الروعة والجمال والأبداع الله يعطيكم العافيه

دمتم بخير

بن ربيعان
سعدت وتشرفت بمرورك

صحــت السنتكــم
دمتم برعاية الله وحفظة

فهد ابن غانم
صح بدنك

صح لسانك لاهنت