|
( 817) ورع ٍ صغير ٍ مقاسه محلول(دينمو السيكل) من متعب العمري صح السانك
إخواني الأفاضل أسعد الله مسائكم بالخير والمسرات أعرض لكم هذا الغز قليل الدسم ..
أنشدك عن ورع ٍ صغير ٍ مقاسه = راسه برجل أبوه والورع مكتوف من شان عين العود يرخي لراسه = عود ٍ عمى لولا الولد كان مايشوف |
صح السانك يابو عزااام وبيض الله وجهك
لغزن جزل ومن عادتك الجزاله يراعيها وحاااااااااري التفكير |
الأخ سعد الحصني .. أشكر لك جدك وإجتهادك ومرورك المستمر والمتابعة .. وأشكرك على الشهادة التي أعتز بها وقليلا مما عندكم.... ودمتم |
الاخ ابو عزام الصياغه سليمه صح لسانك
التعليق بعد الحل تقبل تحيات راع الذود |
صح لسانك يابو عزااام وبيض الله وجهك على اللغز الجزل وعادتك الجزاله ياراع الجزاله
جاااااري التفكير |
ابو عزااام وش تقول في راس الشاحن والجوال
أو راس الفيش في نهاية السلك |
اقتباس:
راع الذود صح لسانك على تعليقك السليم 100% وأن شاالله تحل اللغز ونرى تعليقك بعد الحل وبيض الله وجهك. |
اقتباس:
وجودك يكفي ...أسعدني مرورك والرمعة مالك لوا وخيرها بغيرهايالغالي |
ابو عزاام صح السانك على طرح هذا الغز الجذاب
ويش رايك ( بمقصى الشارب الي يطبق راسه يم رجليه او مقاضبه) |
وشرايك يابو عزاااام 00 بالمنقاش اوووو القلم
|
من شان عين العود يرخي لراسـه**** عود ٍعمى لولا الولد كان مايشوف
حياك الله يابوعزام وجميل ماتقدمه في الملتقى 0000عندي رمعتين عليهن قل صحة 1- مايكون الدش وراسه -------- وعندي واحد يقول الدراجة ونورها ------ صراحة شربك المخ عندي والله يجيب الحل......................... أكرر شكري |
اقتباس:
ذيب المضيح الاول .. صح بدنك والمقص خيرها بغيرها |
اقتباس:
سعد الحصني ..أسعدني مرورك ...والرمعة مالك لوا |
اقتباس:
الأخ متعب العمري ...الله يحييك أنت وألي جنبك وسلملي على أللي جنبك وقله صـــــــــــــح لسانه ولسانك.... الحل نعم هو دينمو السيكل إذا تذكرونه بالعجله الخلفيه وإذا بيشغله راعيه يركيه على دورة العجله ويولد الكهرباء وينور النور |
سلمت يابوعزام والسلام وصل أنا عندي الأتصال سئ وبطئ ماأدري وش السبب مادري هو بالموقع والا عندي وعندما أرسلت مشاركتي السابقة علق وتوقعتها ماوصلت وكنت جاي بعيدها مرة ثانية بس زين
لقيتها......................لكم تحياتي |
اقتباس:
أرجوا من الأخ راعي الذود أن يعطينا تعليقه ونقده بعد مانحل اللغزبكل صدق وبدون مجاملة لآن ذلك يهمني ويفيدني كثيرا وأعده بأنني لن أزعل مهما كان نقده سلباً أو إجاباً المهم يكون بحدود اللغز.وأكون له ممنون. |
صح السانك يابو عزاااام وبيض الله وجهك
وصح السانك يامتعب العمري انت اوصاحبك وبيض الله اوجيهكم |
الاخ ابو عزام السلام عليكم
تعليقي على الغز لغزك صحيح 100% ابدعت شاكر لك ثقتك تقبل تحيات راع الذود |
الساعة الآن 03:33 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir