|
الغز(775)ويش البنات المترفات اليتامى محلول ( المغوش والمبهره ) من ابو عزااام كفو
ويش البنات المترفات اليتامى=وكلن مزايا اوصافها فارقتها وردن على عد(ن) دليّه توامى=لاصدرة هاذي هذيك اعقبتها ابغى اسمهن برقابهن يانشامى=وش دخل الحصني يجي في ارقبتها |
صح لسانك ياذيب المضيح الاول
نشكرك على طرح اللغز الرائع والله لايهينك يالذئب |
السلام عليكم ورحمة الله وبركاته للاخوان جميعاً
اخوي عبدالله : شكراً على اهتمامك واستقبالك لنا السريع الله لايحرمناء وجودك ولاكن لشا يبك ذيب المضيح مطلوب ان تحسنو خلفية المنتدى لان الشوف مايساعدني ساعدك الله بكل خير وتحياتي |
اقتباس:
وهلا وغلا ياذيب المضيح والخلفية السوداء مؤقته حتى يتم صيانة الاستايل القديم وان شاء الله قريبا يعاد الى وضعه السابق |
الاخ : عبدالله الفريدي
تسلم يمينك من العوق الان نشوف بوضوح منتداناء العزيز ومراقبينه الافاضل واعضاهـ المكرمين ومشرفينه الاعزاء تحياتي للجميع |
صح لسانك ياذيب المضيح الاول وجاري البحث عن البنات
|
يابو هليل اسعد مساًء
وانا بنتضارك |
الله يمسيك بالخير ياذيب الحصني تقصد الثعلب لانه كلما جبت رمعه جاني الحصني الي متعوتل بارقابهن وطردني
|
اخي ابو هليل اعتقد والله اعلم انك عارف بالحل واقول صح لسنك و الدعوه للجميع تحياتي
|
صح بدنك يالذيب الله الله بالربع لاوصيك تراي ماعرف حله
|
اقتباس:
ذيب المضيح الأول ... لغز ٍ طيب وانت أطيب عندي رمعة مدري أحد ذكرها لأني ماطلعت على الردود كلها وش رايك بإتجاهات الريح ... الصبا والشرقية (مبكية الحصني) كان إتجاهي صح كملت |
[SIZE="5"]اخوي ابو عزام مالك لوا بمبكية الحصني وهي السويدى ويقال لها بنسرية
لان يقول فيها دغيم الضلماوي ليا نسنسة بها سم دابي *اعيد للفز اقول يالربع انه انحل او شبه انحل عيدو الرمعه السابقه ودققو ومن هنا يتباين الحل تحياتي |
اقتباس:
ياذيب الله يمسيك بالخير تقول للاخ مالك لواء وتقول اللغز انحل !!!!!!!!!!!!!!!!!! رمعة الاخ يقول الرياح او الهبائب نرجو التوضيح |
ذيب المضيح صح لسانك على اللغز وبيض الله وجهك
عبدالله الفريدي الله يقويك ويبارك فيك يابو زياد |
الاخ : عبدالله الفريدي
الرياح ماله لواء والذي اقصده بالمراجعه كلام ابو هليل من الرمعات السابقه وماء بعد فرمعات خاطيه تحياتي |
الاخ : خالد الهيبي
صح بدنك وننتضر رمعاتك |
هذي مشاركات ابوهليل
اقتباس:
|
عبدالله الفريدي واخواني الاعزاء صباح الخير واسعد الله مساكم
الغز لم يحل بعد والذي اقصده بكلام ابو هليل ان يعرف الحل تحياتي |
اقتباس:
صح السانك وش رايك با السواني وهي البكار الي تجذب الماء من البير وعادة تزين الابل في ذيل الحصني كاتجميل ويسما دبدوب او دباديب مترفات لنها حيل ويقول الشاعر وتل قلبي تل دلو/ن/من الرشاة=على عزومً حايلً زوعتبه |
اقتباس:
مالك لواء برمعه ولكنني اتسال عن هذا البيت هل هو من قصيده لعبدالله بن سبيل واذا كان له بقيه اطلب اكماله |
أخوي العزيز ذيب المضيح الاول .... وش رايك بالرمعات على اللغز |
الاخ : ابو عزام
صح بدنك والرمعات مالك لواء |
صح السانك على هالغز الجزل................... وش رايك بالعقارب الثلاث........ ويعطيك العافيه |
الاخ الساري
صح بدنك والرمعه مالك لواء والله يعافيك والشر مايجيك |
اقتباس:
تبيهن الالغاز وردن على الموروث |
اقتباس:
صح لسانك يابن العم على اللغز وعندي محاوله
شهادة بالله وخير الانامي =نبينا اللي دعوته حققتها شهادة الميلاد فاول مقامي = وشهادة التعليم فوق ورقتها وشهادة مكتوب فيها الاسامي = للي توفى ساعته وثقتها والا شهادة حق صدق الكلامي = ولا شهادة زور ماصدقتها وهذاك في ذيله شهود ومحامي =وشهادته كلن طعن في ثقتها |
الاخ : ابو خالد
اعتقد مالك لواء |
اقتباس:
أخوي ذيب المضيح .... لغزك وصفه جميل جداً ..وحريصين على حله الله يحله ..وش رايك ببطاقات الصراف على تعدد أنواعها |
اقتباس:
هلا هلابك يابن عمي ولامى=وشهادة الايلاه بمقدمتها مالك لواء يابن الرجال الحشامى=الي صناديد الدول ماهزمتها لك عندنا تكريم مني وسامى=بعدل البيوت اليا لوت برقبتها ولك عندنا تقدير وايضا احترامى=يازينهن ياخوك مع سالفتها يازين قلطتهن وحسن الكلامى=وصلو على المختار في خاتمتها |
الأخ ذيب المضيح ... وش رايك بأوراق الرزنامة (التقويم) |
الاخ : ابو عزام
مالك لواء خيرها في غيرها |
نعم القصيده لابن سبيل يقول:.
لوالله الاصار للبدو نوناه= وطير عسام الجو مما عفت به وشالوا على حدب الظهورالمعفاه= ماشيل فوق ظهورها زوعت به والقصيده طويله تخبرقصايد عبد الله بن سبيل ـــــــــــــــــــــــــــــــــــــــ اما رمعتي سلمك الله مراوح الغطاس او الطرنمبه |
اقتباس:
ياذيب المضيح ...الله يمسيك بالخير واللغز هذا ماودي إنه ينسي وإلا يجيه المأرشف ويأرشفه .ودي نحاول فيه ..وعندي لي رمعات ٍ تخط ..وش رايك بالقصايد المسماه مثل الشيخة(بالجار) لصقري...والقهوة للقاضي وغيرهن ...أو (قصايد الشعار بشاطي الراحة) والثالثة ( دلال القهوة اللي تنقدها بن راجح عند ابن رشيد)وقيل هناك آخرين مثل الذويبي وغيرهم |
الاخ : ابو خالد الفريدي
اولاً اسف على التاخير ونشكرك على توضيح القصيده اما بالنسبه لرمعه مالك لواء ياعزيزي |
الاخ : ابو عزام مسيت بالخير انت والاخوان مقدماً
صح السانك على رمعت الدلال وهي الدلتان المغوش والمبهره اما وش دخل الحصني يجي في ارقبتها القصد منها ثعلب الدله وتحياتي للكل والجميع |
اقتباس:
صح بدنك وجمل الله حالك أخوي ذيب المضيح جملتني ....وكملت رمعتي ولغز ٍ وافي مثل ماتوقعته مايجي منك إلا الطيب والجزل |
صحة السنتكم يالنشاما
وبيض الله اوجيهكم |
الساعة الآن 01:59 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir