|
السلام عليكم ورحمة الله وبركاته
في منتدى الطيب والناموس وعلوم(ن)تفل الحجاج=يامرحبا ياهلا مليون ترض القوم لاقلتها=
واحد شريطي يبيع ويشتري ياحرب وسط الحراج=وهل القلوب الغشيمه كاثره لاكن مالمتها= |
عسا البقا في محلٍ ما يجي به ميل وألاّ انعواج = فالحلّه اللي تجاوبك العرب عنها ليا سلتها اهبط بسوق الغلا واشرب زلال الما وخلّ الهماج = الغاليه بالبضايع كان تملك سعرها نلتها |
صح لسانك يا جمل حرب بدع جميل صح لسانك يا حفيد الحجيري رد كافي و وافي متابع للنهايه تقبلوا تحيتي و مروري |
ياطيب لعب الحجيري ياعرب لصار رايق مزاج=يطرب وباق البروق الثانيه ياهيه ماخلتها=
بعض العرب مالقي فسوق يالصحاب والله خراج=سوق الغلا نعرفه والبايره تقعد ولاسمتها= |
اقتباس:
شكلها بتحلا متاااااااااااااااااااااابع للاخر |
اقتباس:
مزاجنا عال عال ونطربك في كل قافٍ وعاج = وإن كان عينك ما خالت برقنا بالكحل كحلتها لنكان عندك على أهل السوق والتجار فيه احتجاج = قدمّ قراينك ونفندّ لك آخرها مع أولتها |
اقتباس:
اسعدني مرورك بيض الله وجهك |
اقتباس:
تحلا بوجودك يابن العم |
اركد ياولد الحجيري قبل ماطيرك وسط العجاج=يمطوع الديره الي بردا لحيتك سبلتها=
تسعين تاجر مريض ويشتكي عامين يبغا علاج=ياطيب العزوه الي قبل ليله جيت حللتها= |
اقتباس:
لا تحذف الناس بالأحجار دام بيوتكم من زجاج = لحيتك وش حفّها يابو شنب من بعد طولّتها يا طيبها عزوتي عزوة ذيابه ما خلطها نعاج = لكنّ من ينزل أهل العزّ والطالات منزلتها |
بعض السوالف ذهب ياربعنا والبعض الاخر سماج=ونطال مشوارنا يصاحبي لحيتك بللتها=
حنا نعرف الصقور الجارحه ماهي سوات الدجاج=يبو رعيه ضحى سرحتها والعصر هملتها= |
اقتباس:
ما نصرف إلاّ ذهب ما احنا شريطيه بباب القراج = لنطال ليلك على ظهرك يالمفرود حملتها وشبك تمشّ الرديه فيك كنّك ناوياً للهجاج = يابو رعيه بعد سرحتها للذيب حولتها |
ترتاع سمحا وتجفل ياعرب من عقب شقران هاج=عمك جمل فالمواقف لاقصرتو جيت كملتها=
لوالله الا قليتك يالحجيري فوق نار(ن)وصاج=وليا نقص حاجة(ن)ياحرب للمقرود فللتها= |
اقتباس:
تسرح وتضوي وأقفّل فوقها بالشبك وسط السياج = ما قول منت جمل لكن وصوفك ليش هولتها ياللي تقول الذهب عندي ما شفنا غير خلي الدراج = خمّي عشيشتك وقصور العرب مالك وطايلتها |
شفنا سميره على سنة محمد ودها بالزواج=تجملت والبضاعه ياعميل الخير قبلتها=
تهريب جونا يبون الحج يمكنهم ثمانين حاج=لاكن كل الدروب المخطره للقوم قفلتها= |
اقتباس:
أدخل يدينك وعسّ صويحبك يمكنّ ما لك خراج = ياللي مسوّي فتى رجلينك الثنتين شنقلتها ما باقي إلاّ زيود الشام ترفع خشمها واللحاج = ما ودّي أقول كلمه حشمة أكبر منك ما قلتها |
صح السنتكم جميعا"
|
انته كما الي بتال الليل لاجاعت تدور مساج=والي صعيبه ليا من جيتكم بالزيت سهلتها=
امدهن(ن)شوشته بالزيت ياطيبه عميلك سراج=ويعجبك لاخش في وسط البلد بطيب دخلتها= |
اقتباس:
بانت علوم الجمل وأصبح كما الجثّه تلمّ الخماج = كلما رفعنا علومك قمت لأدنى وضع نزلتها ياليت أبوها مسميها بدل سمحان مي أو رتاج = بالشيش ما دام هذا علمكم يا هيه قفلتها صح لسانك يا جمل واعذرنا على القصور سعدت في مجاراة شاعر متمكن مثلك لنا لقاء آخر اذا شاء ربي |
صح السان الشعراء
وبيض الله وجيهكم |
الساعة الآن 12:01 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir