ابتدينـا بسـم ربٍ عليـه الاعتـمـاد=جل شانه معتلـي والخلايـق ترتجيـه
يعلم الخافي وغيـب الليالـي والعبـاد=جامعٍ خلقه ليوم الوعـد لاريـب فيـه
وبعد ذكره نبتـدي بالقصايـد والمـراد=والحقيقه كـل علمـن نقولـه نحتميـه
مل عينٍ تسهر الليـل جافاهـا الرقـاد=اسهرتني والسهر يحترينـي واحتريـه
واوجودي كل ماهـب ذعـذاع البـراد=وجد من نادى بصوته وخلـه مايحيـه
الفتايل ولعـت والسبـب قـدح الزنـاد=ياحليل الكـوره اللـي يداعبهـا بليـه
في شهر شوال مدري رجب والا جمـاد=ابتلانـي واحـدن جعـل بقعـا تبتليـه
انتقدنـي والبـلا مايعـرف الانتـقـاد=احسب ان الرجل عاقل ولكنـه سفيـه
ماهي (ا) بزلة قدم ماهي (ا) بكبوة جواد=طاح من فوق الجبل عقب ماهو معتليـه
مانلومه مجتهـد وابتلـش فالاجتهـاد=يحسب ان النقد يوصله علـمٍ مايجيـه
قالها ضيدان بالصدق والعلـم والوكـاد=واحدن مايعرف الحر الاشقر يشتويـه
مانخص والا نعم العرب وسـط البـلاد=الوكاد المتهـم ماهـو ابمثـل النزيـه
والعوارف عارفين البياض امن السواد=والمحنك يعرف القرش ويعرف الجنيـه
وبيض الله وجهه من فاد ربعه واستفـاد=في ميادين الشعـر يرحـم الله والديـه
وياوجودي كل ما هبت انسـام البـراد=وجد من يزهم بصوته لخصـمٍ مايحيـه

المشاركة الأصلية كتبت بواسطة مصلح المحمدي (المشاركة 120840) رائعة بحق يا تركي الشيخ حبك سبك الفاظ منتقاه ورائعة صح لسانك وسلم بو حك ولكن تراي عاتب عليك يا تركي ههههههه ارق التحاياالقلبية