|
(724)لغزتعويض=محلول الشعرة بين اظلاف الشاة=من ابو هليل بيض الله وجهه
لغز تعويض لاخي وجودك يكفي بدل اللغز اللي ركبته على زرار لكبك
وصار يركب على عدة رمعات فاقول:.ــــــــــــــــــــــــــــــــــــــــــــــــــ ــــــــــ
ويش بنت صغيره للمسالم تصدا = تبتليك بحلالك لين اثرها تزيله سهمها له مكان تقل يمه تقدا =بين ورعين تثبت في يدين العليله هات رمحك وشلها جايب العلم ودا=العرج يشتكي لك كان بيديك حيله |
ابو خالد الفريدي
صح لسانك ولى عوده0000000 |
صح السانك يابو خالد وبيض الله وجهك
وجودك يكفي والله انا معك انا جاب ابو خالد لغز واحد ونجاب امية لغز 00 ابوخالد ناوينا ابنيه لاكن الله ايعين 000 والصراحه والله ان طريقته اتحّمس ودايم ابو خالد وافي واللغازه وافيه والهمام الهمام بالرمعات وبرك اللغازك يابو خالد يوم جابت لنا عمي ابو فارس ويهلا وغلا بك ياعم وبنتظارك |
الله يعافيك يابوخالد ....................دائماً تقدم كل ماهو جميل.
|
يابو خالد صح لسانك وبيض الله وجهك
|
صح لسانك يابو خالد..لغزن وافي.. ونبي نصبر لين يجون الشيبان..ويرمعون عشان نمشي على جادة.. |
صح لسانك يابوخالد
ووجودك يكفي يبشر بالسند والعون وكلنا وجودك يكفي في كل حال واشوف الربع ينتظرون حضور وجودك يكفي لكن عندي رمعة عجزت اقهرها بطاقة الفيزا |
صح لسانك ياشايبنا وبيض الله وجهك
لغز مليان ومن الطراز الاول الله لا يحرمنا منك يابوخالد ومن تواجدك الرائع والربع معي وعلى خط النار ومداهم جاهزين بإذن الله يروح اللغز مع درب اخوه الاول ونجيب حله وش تقول يابوخالد في عين النضول أو عين الحسود |
اقتباس:
ياهلا بك يابو فارس والله يحييك والظاهر انك تبي لك لفز بس اليا جك السرا ههههههه |
الباعوضه والنامسه
|
اقتباس:
|
اقتباس:
والخير واجد |
اقتباس:
صح بدنك يا بو زياد والله يحيي الجميع وانت جايك الدور |
الزقارة تثبت بين الاصبعين واثرها تزيله إذا شربتها انتهت وراح اثرها
|
اقتباس:
|
وجودك يكفي
مالك لوى الزقاره والبعوضه |
اقتباس:
صح بدنك ولوفا من وجودك |
طيب يابو خالد الرمعه الاولى ماقلت رايك فيها
رمعة عين النضول او عين الحسود |
وجودك يكفي العين مالك لوى هات رمحك وشلها العرج يشتكيلك
|
طيب يابوخالد
الرصاصه والزند او ابرة العيار السداده او الابره إللي تضرب الطلقه |
السوسه تبتلي الضرس والضرس العرج اللي ماكله السوس يشتكي منها
|
ههههه اضحكتني الرمعه الاخيره وهي رمعه طيبه
ولكن الاوله والثانيه مالك لوى ياوجودك يكفي |
ههههههه ترى جاني شد عضلي من كثرت التفكير
وانت يابوخالد شبيت علينا ومثل ماقال ابوهليل اعصار تسونامي ماجاء قدامه قشه طيب سوسة النخل او اللحمه بين السنون وتشيلها بعود الاسنان |
صح لسانك يأبو خالد
لغز وافي من رجال وافي |
يابوخالد انا سويب فرمته للفكر وطرآ على الفكر رمعه عساها توفق
وش رايك في البراية والقلم |
اقتباس:
لوكنت تسونامي قشيت ديرة خابرها هي واهلها ههههههه اما الرمعات كلها اخطت وخيرها باللي عقبها |
اقتباس:
الله يعزك هذا من حسن ذاتك يا طيب |
فارة الكمبيوتر
لها سهم وتثبت بين الأبهام والوسطى والعرج الاصبع السبابه |
فارة الكمبيوتر غير صحيح
|
الشوكة بين اللحم والأظفر
أو الارضه إللي تاكل البيبان وتزيل اثرها |
وجودك يكفي
والله انك ذيب صحيح لكن انا خايف انك مالك سابق معرفه بالمطلوب والاكان تجيبه رمعاتك غير صحيحه |
تلميذك يابوخالد
يابوخالد انت شايب وحنا شباب وإن كان شي قديم وانا اخوك استعنا بالشيبان ابوهليل وابو هاني وذيب المضيح الاول الحلمه تبتلي ديس الناقه |
لعله يطول عمرك واللغز موجود في كل زمان لكن ماكل يتعامل معه
وابوهليل ماهوكبير بالعمر72 سنه لكن كبير عقل وفهم ويتعامل مع هالشي الحلمه والقراد رمعه يشوف اللغزخبطتها على يمناه |
اقتباس:
صح السانك يا ابو خالد وشرايك في الثعلبه |
حياك الله ياصبار وعساك تصبر علينا اليا قلنا مالك لوى
|
ابو خالد وش رايك في مكان الشوكة
او اللكمة بالاظفر |
أبوخالد مساك الله بكل خير وجميع المشاركين ويش رايك بريشة الطير..أو الشمالة. إذا ماأحد قالها قبل لأني مااطلعت على الرمعات |
عبدالله الفريدي
ابو عــــــــــزام مالكم لوى وشكرا |
يابو خالد مابغيت احل الغز لاني عارف حله من اول ماطرحته لكن ازعلتني يوم انك علمت الناس بعمري لذلك لغزك الشعره الي تجي بضلف النعجه والله لايهينك دور لنا واحد بداله
|
بيض الله وجهك يابوهليل وياليت ابو خالد جاب طاري عمرك من زمان عشان تريحنا من اللغز
سبحان الله الله كاتب إنك انت اللي تحله وخلآ أبوخالد يعلم بعمرك عشان تقول الحل صح لسانك يابوهليل وانا والله ماعندي خلفيه عن الجواب إللي ذكرته ولكن مدام إنك ضمنته أكيد إنه صح وننتظر ابو خالد والرأي عنده |
الساعة الآن 01:41 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir