|
رقم(720) نادوا ابو هليل محلول 00الكمين وووالزريق من ابو هليل صح السانه
اللغز للجميع بس العنوان ابو هليل
ابو هليل تحسب اني ابا اخليك ليلة هالجمعه شد حيلك ولغزك صعب الله يعينك انت وسعد وباقي اخوياكم ـــــــــــــــــــــــــــــــــ
انشدك عن ناس عملهم خديعه =متفاهمين بعلم وموزعينه احد كشف نفسه وغيب صنيعه = واحد تخفى والخطر من يدينه شد انتباه وللمخطط ذريعه = والفعل الاصلي للقفا مخططينه تنظيم قايد والمداخل وسيعه =نجح فشل نقصه على منظمينه |
صح السانك يا ابوخالد
جاري التفكير |
اقتباس:
السلام عليكم ورحمة الله وبركاته الله يعطيك العافية يابوخالد على هالتصميم والتنفيذ إذا كان يسمحلي أبو هليل لأن اللغز مصلح له أقلط قبله عندي رمعة وإذا ماسمحلي مسحوبة ويش رايك يابوخالد ( بحصان طروادة ) |
صح السانك يابو خالد ونت الليله ناويني انا وبوهليل
لاكن الله ايعين والربع معنا بليا شك 00وشرايكم نبي انتعاون سوا 0 وحنا دايم انشالله سوا ونفك ارباطهن كلهن 0 |
الاخ : ابوخالد
صح السانك على هذا الطرح ومسيت بالخير مقدماً انه وافي وكافي طرحه وجاذباً لهل الفكر وعسى الله يعيننا ويفتح ابصارناء واتمناء للكل تحيات اخوكم :( بالكنيه ) ذيب المضيح |
الصياد وشبكه والحمامه الى صيد الصقر
|
صح لسانك ابو خالد كفيت ووفيت وش رايك في ( الهوامير )
وكان الاوله اخطت الثانية الإرهابيين وانا مع الاوله |
صبار العنزي صح بدنك
ابو عزام الله لايهينك ويطول عمرك ومالك لوى سعد الحصني كلكم ناويكم هههههههههههه الله يعينكم ويعيني وماني مخل احدا الا ان عجزت ذيب المضيح الله يمسيك بالخير ولايهينك ومالك لوى صبار العنزي مالك لوى |
وشرايك يابو خالد بالرافضه اقصد الشيعه الله يهلكهم
|
الاخ : ابو خالد
عودهـ الى رمعات لغزك الثاني بعد ان كفاء الله المؤمنين شر القتال واعني بكلامي لغزك الاول الذي طلب من اخوناء سعد الفزعه على حله والحمد لله انحل باسرع وقت اماء رنعتي للغز الحاضر مارايك بدايمين العضويه والمنتصرين بالحرب العالميه الثانيه ( اهل الفيتو ) تحياتي |
صح لسانك يابو خالد والحقيقه شرفتني عندما قلت نادوا ابوهليل الله يبيض وجهك ويطول بعمرك
|
اقتباس:
|
ابو خالد فيه رمعة قلتها وهي الهوامير و ما رديت عليها سوا سلب او ايجاب
|
اول شي اعذروني لوماكتبت الاسماء
حتى الكتابه قمت اغلط فيها والرمعات السابقه جنبت كلها وهالحين ابا تمخمخ الحلول وارد على كل واحد |
جتني بيوتن مستقيمه رفيعه = قيمتها لوهي قليله ثمينه يامرحبا عداد نبت الطبيعه= واعداد ناسن لغزكم شايفينه وعندي على الموضوع رمعه سريعه=بالي عملهم كلنا كارهينه تخطيطهم للبعد وناسن شجيعه=من قوهم رزق البلد ماكلينه |
وشرايك با لرمعه ونا ادري انك تبي تقول مالك لوا
الرمعه المتسببين ابغرق جده من المسئولين |
اهلا هلا بك عد نبت الطبيعه=يالطيب اللي جعل تسلم يمينه يامرحبا واللغز عيا يطيعه = لغز اسبوع بمربطه ضامنينه لكن بخمس الغاز يمكن نبيعه= والحل قبل اسبوع مستبعدينه |
صح لسانك يابو خالد ولافيك حيله
|
استلم الرمعات دفعه وحده الي يزرعون الالغام الثانيه الي يخططون لصيد واحد يكمن له واثاني يحوشه عليه الثالثه اليهود يجمعون السمك يوم السبت ويصيدونه يوم الاحد
|
صح لسانك يابوخالد وبيض الله وجهك وانا اخوك
عندي كم رمعه وإن لم يحالفهن الحظ لي عودة أخرى بإذن الله من قصة يوسف عليه السلام اخوان يوسف عليه السلام عندما جعلوه في غيابت الجب او النسوة الآتي قطعن ايديهن وامرأة العزيز وأمرأة العزيز ههي التي كشفت نفسها عندما قالت قال تعالى: ))قال ماخطبكن إذا راودتن يوسف عن نفسه قلن حاش لله ماعلمنا عليه من سوء قالت امرأت العزيز الأن حصحص الحق أنا راودته عن نفسه وإنه لمن الصادقين(( يوسف 51 من سيرة الرسول صلى الله علية وسلم منافقين المدينه ومنهم المنافقين الذين بنوا مسجد ضرار في المدينة وإرصادآ لمن حارب الله ورسوله وهدمه الرسول صلى الله عليه وسلم بعد أن نزل عليه الوحي وكشف الله اسرارهم ومخططاتهم والآيات في سورة التوبه او مافعله المنافقين في حادثت الأفك على عائشه رضي الله عنها بقيادة عبدالله بن أبي بن سلول أو مشركين مكه عندما أرادوا أن يقتلوا الرسول صلى الله عليه وسلم وأخذوا من كل قبيله فارس وأحاطوا بمنزل الرسول فأعمى الله ابصرارهم وخرج الرسول صلوات الله وسلامه عليه وهو يقرأ آية سورة يس ويضع التراب فوق رؤوسهم وخرج من مكة مهاجرآ إلى المدينة ومن قصة موسى عليه السلام الذين عبدوا العجل بقيادة السامري وأعترف بذلك عندما قال قبضت قبضة من أثر الرسول فنبذتها وكذلك سولت لي نفسي |
اقتباس:
نعم والله مالك لوى |
اقتباس:
وجودك يكفي بيض الله وجهك على ها الشرح اما الحل دور غيرها |
اقتباس:
والله يا بوهليل ماقدر اقول صح ولا اقدر اقول غلط نوعين هات اسمائهم هدفهم معروف ليا قلت اسمهم |
اقتباس:
والله يابومشـاري اخذت اصابعي على مالك لوى ما عندي الاهي |
والله مادري يابو خالد لكن الي يخططون يصيدون الحجل واحد يحط له ما والا حب والثاني معه حبل لاتجمعت الطيور جر الحبل وطاحت الشبكه على الطيور لاكن كاني حولها مشها لو بدرجة مقبول
|
الاخ : ابوخالد وباقي الاخوان
كنت براسي عدة رمعات اخذ فيها وخلي وبقرايتي للمحاوره الذي جرت بين الاخوين صاحب الغز وابو هليل من هناء استوجب التوقف عن الرمعات حتى يضح مابعد وتحياتي |
مالك لوى يابو هليل
|
وش رايك بالي يحطو ن كمين للعدو واحد يطلع للعدو على شانه يلحقونه والثاني متخفي لاجوه يتقنصهم واحد واحد
|
صح لسانك يا بوهليل (الكمين والزريق) بيض الله وجهك
|
صح السانك يابو خالد وبيض الله وجهك
صح السانك يابو هليل وبيض الله وجهك |
الساعة الآن 11:53 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir