|
اللي عقد روس الحبال يحلّها ؛؛؛؛؛؛؛؛؛؛؛؛؛؛؛؛؛؛
سلام تسليمٍ يعمّ الحاضرين . مثل العسل وأحلى من السكر نبات = من هاجسٍ يبدع جزيلات المعان واللي عقد روس الحبال يحلّها اللي يبا يقلط على سمن وسمين . يقرب ويبشر بالعلوم الغانمات = العشر تبقى عشر ما ترجع ثمان واللي عقد روس الحبال يحلّها |
صح السانك
وابيات جزله |
اقتباس:
الله يعطيك العافيه وان كان جازلك الطاروق يالله شد حيلك نتشرف فيك وشرواك |
يامرحبا واقلط على العلم الثمين . نبي نوصلها النجوم الساريات = والوقت ياشاعر ترى مابه ضمان . واللي عقد روس الحبال يحلها احرص عليها خلها بين الثنين . السالفه ماهي كما راحت وجات = اعدل بحرها لايجي فيها عوجان .وللي عقد روس الحبال يحلها |
تبقى يا راع الطيب في طول السنين . ياللي تعاين فالرجوم النايفات = حنّا لها في كل حزّه وأي مكان . واللي عقد روس الحبال يحلها السوق به شاري وجوفه بايعين . واللي يبا الطيّب يمد الطيبات = قال المثل راع السمينه للسمان . واللي عقد روس الحبال يحلها |
الله الله
:076::076::076::076::076::076::076::076: |
..
. الله الله عليكم حفيد الحجيري لاهنت على هالطرق وصح لسانك شاعر مخضرم .. محمد عوض شاعر كبير بردك صح لسانك وعساك على القوه .. كملوا بالتوفيق وحنا متابعين بصمت . .. |
ماهي غريبه الطيبه يا الطيبين . هذا وانا ماني براع مجملاات= لكن ماغط الفعول اللي تبان . واللي عقد روس الحبال يحلها اشري بها بطيبه والشين شين .ماني وكيل ادم على كل الجهات =أطب في سوق الغلا بكل المكان. واللي عقد روس الحبال يحلها |
اقتباس:
|
الأوله دايم نصيب الأولين . والتاليه من حظ راع التاليات = هذي حقايق واضحه لأهل العيان واللي عقد روس الحبال يحلها اشتر وبع والله يعين الطامحين . اللي يبون العقم مثل الناطحات = الله يعينك في مقادير الزمان واللي عقد روس الحبال يحلها |
اقتباس:
اسعدني مرورك ومتابعتك الله يعطيك العافيه |
خيّل سماها وانت رجالً ذهين . يا الله تعينك باليال المقبلاات = لكن ماعندك حصانه يافلاان . واللي عقد روس الحبال يحلها انكان جانا طامعاً عود طحين . غدا بنيبان السباع الجايعات = ديارنا صعبه ولافيها ليان . وللي عقد روس الحبال يحلها |
اقتباس:
هلّت مزون الغيث من شام ويمين . وانته تخيّل فالبروق اللايحات = بالهون قدامك حواجز يالحصان واللي عقد روس الحبال يحلها يا صاحبي لا تدحم الضلع المتين . حذرا تذّب النفس وسط المهلكات = مشعابنا ما ينثني كالخيزران واللي عقد روس الحبال يحلها |
ياراعي المشعاب عسى ربك يعين . الناس في سطح القمر بالطائرات = وانته على المشعاب يا الله المستعان . واللي عقد روس الحبال يحلها كم واحدن لسانه طويل ماله يدين . يطرد ورى كل العلوم الشائعات = وأن جات يوم الصامله عود جبان . واللي عقد روس الحبال يحلها |
يابن عويض قافكم به كسرتين . حاول تعدّل فالبيوت المايلات = كلّما وزنّا القاف غيرّت الوزان واللي عقد روس الحبال يحلها يا هيه حنّا من طويلين اليمين . ياللي يمينك عن يميني قاصرات = وقت الشدايد من مرجحّة الوزان واللي عقد روس الحبال يحلها معذرة أخوي محمد ولكن !!!!!!! الماقف الأول في كلٍ من البيت الأول والثاني عندك خلل واضح فيهما . بيض الله وجهك والله يعطيك العافيه |
القاف يا حجيري تراه اليوم زين . لاتنهزم خلك على عز وثبات = يابعيرنا شقران تو العلم بان . واللي عقد روس الحبال يحلها أنتم رجال وكلكم متعلمين .مير البلا لصار ماعندك ثقات = نوبن تشد ونوب تنزل للطمان . واللي عقد روس الحبال يحلها |
كم كبد نلهدها وكم عينٍ وعين . فوق الخدود دموعها متذارفات = لا تحدّنا نكحل لكم سود العيان واللي عقد روس الحبال يحلها لو نبحث الخافي عذاربها تبين . ما ودنّا نكشف علومٍ خافيات = لكنّ يا شطّور ناني نان نان واللي عقد روس الحبال يحلها |
أن طولت بك صحت تطلبك عوين .لكن خلك من تحت كم العبات = الرمي توه ياالحجيري زان زان . واللي عقد روس الحبال يحلها ليا بحثنا بالخوافي وين وين . القا علومك كلبوها مصلحات = لكن ياحبوب مالك بالعنان . واللي عقد روس الحبال يحلها |
اقتباس:
الظاهر إنّك تهت بين المشيتين . لكنّ من يجمعك يا ذاك الشتات = الحرّ يبقى حرّ يا طير السمان واللي عقد روس الحبال يحلها الرجل لازم يعتبر بالسابقين . قدّام ينزل فالبحور المغرقات = عنك الحجيري مرتقي في كل شان واللي عقد روس الحبال يحلها |
قدام ياحجيري لا تعود عجين . أرفع يدينك واطلب الله بنجات = ماينفع الرجال حكيه بالسان . والي عقد روس الحبال يحلها ماودي افعل فيك فعل المجرمين . تشره قبائل حرب من كل الجهات = مادمت يارجال من ضمن البيان . واللي عقد روس الحبال يحلها |
اقتباس:
للمره الثانيه الماقف الأول في البيت الأول مكسور وبإستطاعتك سؤال من تريد لتكتشف الخلل الواضح . ما قصرت والله يعطيك العافيه |
صحت السنتكم وبيض الله وجيهكم لاهنتم
|
اقتباس:
|
أخوي الحجيري البيت مافيه كسر ولاشي والرد ترى ماهو لازم الدعوه لاتحدي ولاشي توسعة خاطر واشكر شاعرنا الكبير مضحي بن جمران الذي له باع طويل في هذا المجال وكثير ماتعلمنا منه على ماوضح لك
|
اقتباس:
اشكرك شاعرنا الكبير مضحي لكن الخطأ في ( قدام يا حجيري لا تعود عجين) هنا الوزن ليس صحيحا |
اقتباس:
اخوي محمد انت على العين والراس والمسأله لا تحدي ولا هم يحزنون والرد كما تعرف لا يعجزني ولا يعجزك ان شاء الله بامكانك أنن تعرض الابيات على غيري من الشعراء لتقتنع أو اقتنع أنا والبساط أحمدي بيض الله وجه الجميع |
أخوي يمكن ماعرفت لحنها الصحيح أنا ثلاث مرات وانا اعيدها لم يتضح لي شي . وجل شان من لايخطي وهذه بين الشعراء من يستطيع يعطينا رايه جزاه الله خير
|
اخوي محمد
كلمة( حجيري) هل الياء الأخيره مشدده في النطق أم لا ؟ بناء على اجابتك يتحدد اذا كان هناك خلل أم لا لك مني كل تحيه وتقدير |
انته يا صاحبنا تباها بين بين . تبغى الحشيمه بالثياب العاريات = النار لأهل النار والدنيا امتحان واللي عقد روس الحبال يحلها يابن عويض لو تطول بك السنين . مانته معجزني يا راع المعجزات = لن عودّت للفعل ما هي باللسان واللي عقد روس الحبال يحلها |
ماخذتها سلَفه عساكم سالمين . اخذتها بالسيف حد المرهفات = الصقر صقر ولايعود بهلوان . واللي عقد روس الحبال يحلها خلاص ياحجيري تراك انت السجين . وابشر بعزك ماتجيك الشائنات = انته بوجهي لين اصدربك بيان . واللي عقد روس الحبال يحلها |
صحت السنتكم طاروق ممتاز
الله يعطيكم العافيه |
الشاعر القدير حفيد الحجيري صح لسانك وبيض الله وجهك الشاعر القدير محمد عويض البدراني صح لسانك وبيض الله وجهك |
اقتباس:
صح بدنك وبارك الله فيك وعجبتني الابيات الذي بالتوقيع |
اقتباس:
|
اقتباس:
الذيب ما يعتاز وجه أبالحصين . مكفيه نابه في جميع النايبات = سدّوا لوازمكم يا حمران الوجان واللي عقد روس الحبال يحلها |
تحرث عن السكين يا ابا القرنين . وانته بنيبان السباع الطامعات = عصرك عصره مثل عصر البرتقان . والي عقد روس الحبال يحلها وشلون تهرج وانت ضمن الغايبين .الباب دونك فيه سبع مقفلاات = انته تحت يمناي في هذا المكان . واللي وعقد روس الحبال يحلها |
اقتباس:
إن كان جت للسيف منتم سالمين . والله يا عينك من شقاها ما تبات = وإنّي لأعقّل روس صايبها جنان واللي عقد روس الحبال يحلها الذيب ما يعتاز وجه أبالحصين . مكفيه نابه في جميع النايبات = سدّوا لوازمكم يا حمران الوجان واللي عقد روس الحبال يحلها |
يا حفيد الرد الاخير وصلني ورديت عليه راجع الصفحه الرابعه
|
أخوي محمد ممكن تبدع الرد الاخير حقك على الشات الصوتي
لأن الماقف الاول في شطر البيت الاول ماني قادر اعرف وزنه بالضبط ولك مني كل تحيه وتقدير |
والله أخوي شات الصوتي ماعرف له
|
الساعة الآن 10:52 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir