|
(699) لعبة البياته الي تسما الحويلامن ابو عزام صح السانه
بسم الله الرحمن الرحيم
السلام عليكم ورحمة الله وبركاته
عشرة اعداد وثمان اقسم=وماحصله جاب جوف امه اجمع وقسم وحاذور اتزم=وماتحوش يمناك بالذمه وبدية يمينك تراها الزم=وكل(ن) في حسمته يمه |
صح السانك ذيب المضيح الاول
وبيض الله وجهك وجاري التفكير |
الاخ : سعد
صح بدنك وانا بالانتضار |
صح لسانك ياراع الغز وجاري التفكير
|
ذيب المضيح الاول
صح لسانك والظاهر ان هاللغز يبي يعجز عنه اللي مثلي |
اخواني الاعزاء
شكراً على تجاوبكماء الطيب والغز الذي طرحته بالماضي ويستخدم لتسليه ويستفاد منه بسلوم والاداب هذا حسب معرفتي فيه وهوليس صعب ولا يجهلونه كبار السن والله يحفضكم تحياتي |
صح لسانك اخوي وش رايك في المواريث وتقسيمها
|
ذيب المضيح الأول صح لسانك على طرح اللغز عندي رمعة ويش رايك بلعبة أم حوير (البياته) |
مشكور يالغالي وش رايك باللعبة اللي نسميها ((((((((((((( الحويلا)))))))) اللي لها حفر في الأرض
|
اخواني الاعزاء : سامي ابو عزام
شكراً لمروروكم الطيب ومالكم لواء برمعات |
الاخ : متعب العمري
صح السانك على حل الغز وهو ماقصدة هذا اولاً اخي متعب صراحتاً انني اشعر ان كل شي له ذيب وانك ذيب الغازي بمعرفة هدفي والذي احب قوله لاخي بيان ما هدفة به عند بناء هذا الغز وهو هدف خير ان شاء الله لاحياء سلوم وتراث اجدادنا المجيد واعرف ان كثير من البشر لايراها الى بمجرد تسليه كماء هو معروف اليوم ولاكنني استشير اخي كماء هو يعرف ولايهونون اخوانناء الاعزاء بهذا المنتدى العزيز كما واشعر انها تعلم البدايه اولاً باليمين وتقسيم بالحق وعدم احتقار الغير اضف على ذلك البر بالوالده حيث ان الابن هو المسؤل عن امه اولاً اطلب ممن يجيد التعبير اعطاء رايه تحياتي واسعد الله اوقاتكم |
اقتباس:
أخي العزيز ذيب المضيح صباح الخير . إذا الشغل واسطات حتى بحل الألغاز ترى عندي واسطه أبدخل عليكم فيها . أنا مالي لوا ومتعب العمري بيض الله وجهه تقوله صح لسانك وأنا حال ٍ اللغز قبل منه . أيش البياته وايش إم حوير والحويلا هن ثلاثة أسماء للعبة واحدة ولكن على شان متعب ذيب أللغازك إعترفت له على طول.على العموم خيرها بغيرها هات لغز ثاني وأسامحك الله يسامحك وبيض الله وجيهكم جميعاً على مشاركاتكم ودمتم بخير ..... |
اقتباس:
ههههههههه ذيب المضيح الاول يا الله يا مل الشحم عطنا اللغز مدام الرجال سمح تراك لونك مخطي علي كان تبي تسوق علي جاهيات وحب اخشوم ومزارق طيب وعساه يسمح خاطري وصح السانك يا ابو عزام ولايهون متعب العمري وانا متاكد ان ذيب المضيح ما توقع ان الثلاث نفس المسما تحياتي وبشر با العوض |
الاخوان الاعزاء : ابو عزاام و عبدالله
اسعد الله صباحكم ومساكم اخواني الاعزاء اولاً ومعذار بلسان صادق ونيه صافيه اني لاعندي اي تخصيص لاحد عن الاخر انه كما واحلف بالله ان كما ذكر الاخ عبدالله لاعرف الى سواء الاسم الذي صدقة عليه وطلبي طلب جاهل مرفوع عنه القلم اضف على ذلك تلميذاً يخدم استاذه وتقدير وترحيب للجميع |
سلمت يالغالي ولغزك جميل والرجال يستاهل انا مش فارقة عندي ابدا عندي والا عند غيره على الرحب والسعة
والدعوي ياعزام لاواسطات ولاشئ وانا والله ماعرفت حتى رمعتك البياتة مسمى مامر على والشئ ممكن له كم مسمى ....... اهم شئ الخواطر تكون عال العال ولاواسطة ولاشئ الدعوى تراها وناسة ومعرفة الغانمين فقط. ودمتم بخير ومعزة |
أخواني الأفاضل : ذيب المضيح الاول ومتعب العمري أولاً أعتذر عن ردي هذا التي أتى متأخر ولكن والله لم أطلع على ردودكم إلا الآن . ثانياً : يعلم الله إنني عندما رديت على أخوي ذيب المضيح (بأن الدعوى واسطات ) إلا مازحاً .وأعلم علم اليقين إنه لوكان يعلم إن ماذكرته هو حل اللغز لن يتجاهلني لإن هذا ليس من شيمه. وآسف على كل ما توقعتوه جداً وهو من المزاح .. وأشكركم على تفهمكم وجديتكم |
اقتباس:
الله يلسمك وجزاكم الله خير |
اقتباس:
الاخ : ابوعزام الله يسلمك ولالى ماحصل شي ومثل ماقال اخي ابومتعب الدعوه وناسه وجمعت احباب وخوان ومشكور ولاقصرت والله يوفق الجميع |
اقتباس:
ذيب المضيح الاول متعب العمري كما قال ابو عزام وحنا جميع اخوان وانا تراي توي قريت اعتذاركم والشك زايل لا عدمناكم |
الساعة الآن 03:13 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir